ՄԱՅՐԵՆԻԻ ՕՐՈՒԱՆ ԱՌԻԹՈՎ ՍՓԻՒՌՔԻ ՆԱԽԱՐԱՐԸ ԱՅՑԵԼԵՑ ՀԱՅՈՑ ՈՒՍՈՒՑՉԱՊԵՏԻՆ ՇԻՐԻՄԸ

0
169

 Այսօր առաւօտեան,  «Մայրենիի օրուան»  նուիրուած տօնակատարութիւններու ծիրէն ներս, ՀՀ սփիւռքի նախարար Հրանուշ Յակոբեան նախարարութեան  աշխատակիցներու, լրագրողներու եւ «Լեզուաքաղաքաշինութեան արդի խնդիրները» գիտաժողովի մասնակիցներու հետ այցելեց  Օշական  եւ ծաղիկներ տեղադրեց  Մեսրոպ Մաշտոցի գերեզմանu:

Այնուհետեւ Սրբ. Մեսրոպ Մաշտոց եկեղեցւոյ կից Դպրատան մէջ  Սփիւռքի նախարարը  եւ ուխտագնացութեան մասնակիցները ներկայ գտնուեցան Օշական գիւղի Մաշտոցի անուան դպրոցի աշակերտներու ուժերով կազմակերպուած` մայրենիին նուիրուած թատերականացուած միջոցառմանը,  որուն ընթացքին մայրենի լեզուին նուիրուած բանաստեղծութիւններու գեղեցիկ կատարումներով հանդէս եկան նաեւ Երեւանի «Կիլիկեան» վարժարանի սուրիահայ աշակերտներ:

Շնորհաւորելով ներկաներուն Մայրենի լեզուի օրուան առթիւ` Հրանուշ Յակոբեան  մասնաւորապէս ըսաւ. «Այցելելով Մաշտոցի շիրիմին` մենք խոնարհւում ենք նրա առաջ եւ խնկարկում  Մեծ ուսուցչապետի յիշատակը: Պատահական չէ, որ այս տօնը տեղ է գտել մեր պետական տօնացոյցում: Համազգային այս տօնի առիթով ուզում եմ կոչով դիմել բոլորին եւ խնդրել, որ չաղաւաղենք մեր լեզուն, այլ պահենք, պահպանենք ու գուրգուրենք մեր մայրենին: Մենք դեռ շատ անելիք ունենք` մեր ոսկեղենիկ լեզուն պահելու, զարգացնելու եւ սերունդներին փոխանցելու առումով: Այսօր Գիտութիւնների ազգային ակադեմիայում անցկացուող «Լեզուաքաղաքաշինութեան արդի խնդիրները» խորագրով գիտաժողովի ընթացքում, որին մասնակցում են անուանի լեզուաբաններ, գրականագէտներ, մենք խօսելու ենք, քննարկելու ենք  մեր ձեռքբերումներն ու բացթողումները»:

ՀՀ սփիւռքի նախարարութիւնը Հայաստանի գրողներու միութեան հետ համատեղ սահմանած է «Մայրենիի դեսպան» շքանշան:  Առաջին օրինակը նախարար  Հրանուշ  Յակոբեան  յանձնեց Դպրատանը: Այս շքանշանով պիտի պարգեւատրուին Հայաստանի  եւ Սփիւռքի մէջ մայրենիի պահպանման, տարածման ու զարգացման գործին  անուրանալի ներդրում ունեցող անձիք:

 

LEAVE A REPLY

Please enter your comment!
Please enter your name here