ՌԱՖՖԻ ՅՈՎՀԱՆՆԷՍԵԱՆ ՎԱՂԸ ՊԻՏԻ ԲԱՑԱՅԱՅՏԷ ՆԱԽԱԳԱՀ ՍԱՐԳՍԵԱՆԻՆ ՀԵՏ ՈՒՆԵՑԱԾ ՀԱՆԴԻՊՈՒՄԻՆ ՄԱՆՐԱՄԱՍՆՈՒԹԻՒՆՆԵՐԸ

0
121

 Հայաստանի նախագահ Սերժ Սարգսեանի հետ այսօր մօտ մէկուկէս ժամ տեւած հանդիպումէն  ետք, 18  Փետրուարի ընտրութիւններուն նախագահի ընդդիմադիր թեկնածու Ռաֆֆի  Յովհաննէսեանը դուրս եկաւ նախագահական նստավայրէն, եւ յայտարարեց, որ հանդիպման բոլոր մանրամասնութիւնները  պիտի յայտարարէ  վաղը՝ Ազատութեան հրապարակին վրայ նախատեսուած հանրահաւաքի ընթացքին։

«Սիրելի հայրենակիցներ, հաւաքուած ենք այսօր որպէս Հայաստանի Հանրապետութեան լիարժէք եւ ամբողջական եւ իրաւատէր քաղաքացիներ։ Մենք տէր ենք մեր Սահմանադրութեանը, մեր իրաւունքին եւ մեր նախագահութեանը, եւ պիտի արժանանք իրաւունքի Հայաստանին», – դիմելով նախագահական նստավայրի դիմաց սպասող իր բազմաթիւ  համակիրներուն՝ ըսաւ Ռաֆֆի Յովհաննէսեանը։ – «Դուք հզօր ուժ էք տալիս, որովհետեւ սա մի հոգու նախագահութիւն չէ, սա Ռաֆֆիի եւ Սերժի պայքար չէ, այլ Հայաստանի Հանրապետութեան եւ մեր քաղաքացիներու ապագան է։ Ես ձեզ կը զեկուցեմ այսօրուան  մեր հանդիպման մասին, հարցերուն կը պատասխանեմ՝ վաղը Ազատութեան հրապարակի վրայ  թոյլատրուած օրինաւոր մեր հանրահաւաքի, մեր  յաղթահաւաքի ընթացքին»։

Յովհաննէսեանի աւելցուց՝ « Վաղը Ազատութեան հրապարակին վրայ հայ ժողովուրդը պիտի տօնէ  մեր յաղթանակը»։

Ապա ան  իր համակիրներուն յորդորեց  հեռանալ նախագահական պալատին առջեւէն, քանի որ ինք պիտի  ունենայ  կարգմը   դիւանագիտական հանդիպումներ ։

LEAVE A REPLY

Please enter your comment!
Please enter your name here