ՌՈՒՍԻԱ ՊԻՏԻ ԸՆԴՈՒՆԻ ՍՈՒՐԻՈՅ ՀԱԿԱՄԱՐՏՈՒԹԵԱՆ ԿՈՂՄԵՐԸ

0
153

Ռուսիոյ արտաքին գործոց փոխնախարար Միխայիլ Պոկտանով նշեց, որ Ռուսիոյ արտաքին գործոց նախարարութիւնը Սուրիոյ հարցով ՄԱԿ-ի եւ Արաբական Լիկայի յատուկ պատուիրակ Լախտար Իպրահիմիէն ցարդ Մոսկուա այցելելու դիմում մը չէ ստացած, սակայն աւելցուց, որ Սուրիոյ արտաքին գործոց նախարար Ուալիտ Մուալլեմ Մոսկուա պիտի այցելէ Փետրուար 25-ին, իսկ Ռուսիոյ արտաքին գործոց նախարար Սերկէյ Լաւրովի հրաւէրով՝ Մարտի առաջին շաբթուան ընթացքին Ռուսիա պիտի այցելէ ընդդիմադիր Ազգային համաձայնական մարմինի նախագահ Մոազ Խաթիպը:
Ան նշեց, որ նման հանդիպումներ կրնան երկխօսութեան առաջնորդել, «եթէ բոլոր կողմերէն բարի կամք ու շահագրգռուածութիւն ըլլայ»:
Մինչ այդ, Ռուսիա եւ Եւրոպական Միութիւնը Սուրիոյ նախագահ Պաշշար Ասատին կոչ ուղղեցին՝ սուրիական ընդդիմութեան հետ երկխօսութեան առիթը չփախցնելու:
Ռուսիոյ արտաքին գործոց փոխնախարար Կենատի Կաթիլով յայտնեց, որ սուրիական ընդդիմութեան զէնքի եւ զինուորական սարքերու մատակարարման շարունակումը Սուրիոյ մէջ կայունութեան հաստատման չի նպաստեր՝ նշելով, որ ընդդիմութեան զինումը «մեծ տարողութիւն կը ստանայ»:
Իր կարգին, Ռուսիոյ պաշտպանութեան նախարարութիւնը յայտարարեց, թէ չորս յաւելեալ մարտանաւեր Միջերկրական ծով պիտի ուղարկէ:

 

LEAVE A REPLY

Please enter your comment!
Please enter your name here