ԱԹԼԵԹԻՔՕ ՄԱՏՐԻՏ, ԼԻՎԸՐՓՈՒԼ ԴՈՒՐՍ ՄՆԱՑԻՆ «ԵՈՒՐՈՓԱ ԳԱՓ»ԷՆ

0
138

  Հինգշաբթի երեկոյեան  եւրոպական  տարբեր քաղաքներու մէջ տեղի ունեցան  եւրոպական ակումբներու «Եուրոփա Գափ» մրցաշարքի  1/32-րդ հանգրուանի դարձի մրցումները:  Մրցաշարքի անցեալ տարուան տիտղոսակիրը Աթլեթիքօ Մատրիտ   դուրս մնաց  պայքարէն: Նոյնիսկ   Ռատամէլ Ֆալքաոյի 84-րդ  վայրկեանին նշանակած  կոլը  Աթլեթիքօ Մատրիտը չփրկեց   Ռուպին Քազանի դէմ  պարտութենէն:  Սպանիոյ մէջ հանդիպումը աւարտեցաւ  1-0՝ Աթլեթիքոյի յաղթանկով, սակայն  երթի մրցումը Մոսկուայի մէջ  վերջ գտած էր  ռուսական  խումբին  2-0  յաղթանակով:

  Ինթէր Միլան, շնորհիւ   Ֆրետի  Կորինի (2) եւ Մարքօ  Պենասայի  կոլերուն, 3-0 արդիւնքով պարտութեան մատնեց   Գլուճը: Երթի մրցումը նոյնպէս   վերջ գտած էր   իտալական կազմին յաղթանակով՝ 2-0:

Գերմանական  Շթութկարթ խումբը հասաւ  վերջին 16-ին՝ երբ  2-0 արդիւնքով պարտութեան մատնեց Կենքը:  Զուիցերիական Պալ խումբը  1-1 արդիւնքով հաւասարութիւն մը արձանագրեց   Տնեփրի դէմ, սակայն երթի մրցումը՝   2-0 անոր  յաղթանակով աւարտած ըլլալուն պատճառով  անցաւ յաջորդ  հանգրուան:

Լացիօ Ռոմա՝ Անթոնիօ Գանտերվայի եւ Ալվարօ  Կոնզալէսի  կոլերուն շնորհիւ պարտութեան մատնեց Պորուսիա Մէօնշենկլատպախը: Երթի  հանդիպումը վերջ գտած էր  3-3  հաւասարութեամբ:  Նափոլի՝ երթի  (3-0) եւ դարձ ( 2-0)  մրցումներուն, երկու  յաջորդական պարտութիւն կրեց   Վիքթորիա Փլզէնէն:

 Ֆեներպահչէ 1-0 արդիւնքով պարտութեան մատնեց   ՊԱԹ Պորիսովը եւ  անցաւ  1/16-րդ հանգրուանին:  Պենֆիքա նոյնպէս հասաւ   1/16-րդ հանգրուանին, երբ Փորթուկալի մէջ 2-0 արդիւնքով պարտութեան մատնեց  Պայէր Լեվերքուզենը:  Իր կարգին, Պորտօ մրցաշարքէն դուրս ձգեց  Տինամօ Քիեւը:

Ուքրանիոյ մէջ, Նիուքասըլ Եունայթըտ 1-0 արդիւնքով պարտութեան մատնեց տեղւոյն Մեթալիստը եւ անցաւ  1/16-րդ հանգրուանին:  Լիոնի մէջ, տեղւոյն կազմը   մրցումին մինչեւ  վերջին վայրկեանը  1-0 առաւելութիւն մը կը վաելէր Թոթենհամ   Հոթսփըրզի նկատմամբ: Սակայն անգլիական կազմին  միջնապահներէն  Մուսա  Տեմպելէ , հանդիպման 90-րդ վայրկեանին նշանակեց ոսկէ կոլ  մը եւ   շնորհիւ օտար դաշտի  վրայ նշանակած այդ կոլին,  Լիոնի  փոխարէն Թոթենհամը անցաւ մրցաշարքի յաջորդ հանգրուանը:

Էնֆիլտ Ռոտ մարզադաշտին  մէջ,  Լիվըրփուլ  3-1 արդիւնքով պարտութեան մատնեց Զենիթը: Սակայն երթի  հանդիպումին, անգլիացիներուն   2-0 արդիւնքով  կրած պարտութեան պատճառով, ռուսական խումբը անցաւ  1/16-րդ հանգրուան: :

Լոնտոնի մէջ, Չելսի  1-1 արդիւնքով  բախտաւոր  հաւասարութիւն մը արձանագրեց   Սփարթա Փրակայի դէմ: Չեխերը, որոնք երթի մրցումին,  իրենց սեփական դաշտին մէջ 1-0 արդիւնքով պարտութիւն մը կրած էին  լոնտոնեան խումբէն,  հանդիպման  17-րդ վայրկեանին  Տաւիտ Լաֆաթայի նշանակած  կոլին  շնորհիւ   հաւասարեցուցին երկու   հանգրուաններուն արդիւնքը:  Բայց մրցումին  հաշուած վայրկեաններուն,  Էտին Հազարտ նշանակեց Չելսիի  հաւասարութեան կոլը  եւ ապահովեց  պայքարը  շարուանկելու  ուղեգիրը:

LEAVE A REPLY

Please enter your comment!
Please enter your name here