ՌԱՖՖԻՆ ՎԵՐՋԱՊԷՍ ՊԱՏՄԵՑ ՆԱԽԱԳԱՀ ՍԱՐԳՍԵԱՆԻ ՀԵՏ ԻՐ ԽՕՍԱԾԸ

0
125

Ռաֆֆի  Յովհաննէսեան այսօր ելոյթ ունենալով Ազատութեան հրապարակին վրայ,  յայտարարեց.«Սիրելի հայրենակիցներ դուք ընտրեցիք ձեր ծառային, ով  հինգ տարի բաց,  թափանցիկ ճշմարտախօս ձեր առաջ կը կանգնի եւ ձեզի հետ միասին կ’իրականցնէ մեր քաղաքացիական, պետական Հայաստանը: Դուք ընտրեցիք մեծ վերադարձի Հայաստանը… Մենք  պետք է ունենանք մեծ վերադարձ դէպի Հայաստան… Ոչ մէկին  մենք վատը չենք մաղթում»:

Ան ըսաւ որ հինգ  տարի ետք  արտագաղթը, աղքատութիւնը պէտք է  ըլլան պատմութեան դասագիրքերու մէջ, իսկ 2013 թուականի Ապրիլի 24-ին Հայաստանը պետք է առանց նախապայմաններու  դիւանագիտական յարաբերութիւններ հաստատէ Թուրքիոյ հետ, ինչպէս նաեւ՝  հայ-թուրքական արձանագրութիւնները, ճանչնայ  Արցախի անկախութիւնը  ու աշխարհին ստիպէ ճանչնալու  զայն.«Արցախի ճանաչումն արկածախնդրութիւն չէ, այլ ուշացած հրամայական»,-յայտարարեց նա:

«Ժառանգութիւն» կուսակցության առաջնորդը վերջապէս պատմեց,  թէ  ինչի մասին  խօսած են  երէկ ինք  ու Սերժ Սարգսեանը մօտ մէկ ժամէն  աւելի տեղի ունեցած զրոյցի  ընթացքին:

«Յարգանքով հանդերձ ըսի,  ճանչցէք  ժողովուրդի ընտրութիւնը, պատասխանը՝ ՈՉ:  Ըսի՝  շամպայն խմելու փոխարէն նոր ընտրութիւն կազմակերպեցէք  Հայաստանի ապագայի համար, պատասխանը՝ ՈՉ: Ըսի՝ լաւ, եթէ պատրաստ չէք նոր ընտրութեան՝ պատժեցէք առաջին հերթին բոլոր ընտրակեղծարարներուն:

Պատժեցէք բոլորին անխտիր՝ դուք պարտաւոր էք հրապարակաւ ըսել, որ պատժելու էք, ըսաւ.-ես պիտի  պատժեմ:

…Ըսի լաւ,  մենք կ’անցնինք   ամբողջական համամասնական ընտրակարգի եւ անմիջապէս կը  կազմակերպենք  խորհրդարանական ընտրութիւն, պատասխանեց՝  ՈՉ:

Ես այլեւս ըսելիք չունիմ, եթէ իրենք ըսելիք ունին, իրենք` նախարարներ, փոքր մարդկանց` ֆէյսպուքում փոքր բաներ գրելով…, բայց ես իրենց ըսելիք չունիմ այլեւս: Իմ ըսելիքս հետեւեալն է. մեր զինուորները պիտի պահպանեն մեր սահմանները, տարածքային ամբողջականութիւնը, այն հրամանատարը, ով զինուորը կ’ուղղէ հայ ժողովուրդի դէմ, գործ կ’ունենայ  թէ իմ, թէ հայ ժողովուրդի հետ, այն ոստիկանը, որ նոյնպէս մեր հպարտութիւնն է, իր ծառայութեան մէջ  չի ապահովում մեր անվտանգութիւնը, եւ` շեղի իր պարտականություններէն, ընէ անիրաւ հրաման, պատասխան պիտի տայ: Բոլորը պիտի լինեն իրենց պարտականութիւններու մէջ:

Մենք  տանելու ենք այս  պայքարը հանդարտ, սահմանադրական, հետեւողական, ի զուր ժամանակ չկորցնենք, այս ժողովրդական շարժումը չի մարելու մենք գնալու ենք դէպի  յաղթանակ»,- յայտարարեց Յովհաննէսեան:

Ան ըսաւ նաև, որ վաղը հանդիպումներ  պիտի ունենայ  Աշտարակի, Վանաձորի  եւ Կիւմրիի մէջ, իսկ Կիրակի օրը հանրահաւաք  պիտի կազմակերպէ  Ազատութեան հրապարակի վրայ: Ռաֆֆի Յովհաննէսեան Երեւանի քաղաքապետ  Տարօն Մարգարեանին հրապարակային կոչ  ըրաւ, որ այդ հանրաւաքի ծանուցումը ընդունի ի գիտութիւն:

«Սա Ազատութեան հրապարակն է եւ սա ոչ մէկի սեփականութիւնը չէ, եւ հայ ժողովուրդը Կիրակի այստեղ  պիտի հաւաքուի»,-նշեց Յովհաննէսեան:

Յիշեցնենք, որ  Երեւանի քաղաքապետարանը երէկ  մերժած  էր «Ժառանգութիւն» կուսակցության փոխնախագահ Արմէն Մարտիրոսեանի իրազեկումը Ազատութեան հրապարակի վրայ  հանրահաւաք  կատարելու  վերաբերեալ:

 

LEAVE A REPLY

Please enter your comment!
Please enter your name here