ՍՓԻՒՌՔԻ ՆԱԽԱՐԱՐԻՆ ԿԻՑ ԱՏԵԱՆԻ ՆԻՍՏ

0
140

Ուրբաթ,  22  Փետրուարին  կայացաւ  ՀՀ սփիւռքի նախարարին կից ատեանի նիստը: Օրակարգին ընդգրկուած էր հիմնական չորս հարց:

ՀՀ սփիւռքի նախարարութեան, Համաշխարհային հայկական գոնկրէսի եւ Ռուսաստանի հայերու միութեան հետ համատեղ կազմակերպած 2012-ի “Հայապահպանութեան գործին մէջ նշանակալի աւանդին համար” մրցանակաբաշխութեան արդիւնքներու ամփոփման եւ 2013-ի անուանակարգերու հաստատման վերաբերեալ զեկուցեց  ՀՀ Սփիւռքի նախարարութեան աշխատակազմի համահայկական ծրագրերու վարչութեան պետ Ատոմ Մխիթարեան: Ներկայացուեցան  2012-ի մրցանակաբաշխութեան արդիւնքները` ըստ անուանակարգերու: Մրցանակաբաշխութեան արդիւնքներու ամփոփումը եւ վկայականներու յանձնման հանդիսաւոր արարողութիւնը նախատեսուած է 5 Մարտին,  ժամը 11.00-ին, ՀՀ Սփիւռքի նախարարութեան մօտ: Կ’ակնկալուի նաեւ տարբեր երկիրներէ մրցոյթի մասնակիցներու մասնակցութիւնը:

Համահայկական ծրագրերու վարչութեան պետ Ատոմ Մխիթարեան ներկայացուց  ՀՀ Սփիւռքի նախարարութեան կողմէ կնքուած յուշագրերու, համաձայնագրերու, պայմանագրերու կատարման ընթացքը:

“Աւստրալիոյ հայ համայնքի կրթամշակութային խնդիրներու լուծման աջակցութեան ծրագիր” 2013-ի ծրագիրը հաստատելու մասին” ՀՀ կառավարութեան որոշման նախագիծին մասին զեկոյցով հանդէս եկաւ  Ամերիկայի հայ համայնքներու վարչութեան պետ Ռոզա Յովհաննէսեանը:

Նախագիծին ընդունման իբրեւ արդիւնք` ծրագրի իրականացումը պիտի նպաստէ Աւստրալիոյ հայ համայնքներուն մէջ ազգային ինքնութեան պահպանման, զօրակցման տարածաշրջանի հայ համայնքներու մշակութային հիմնախնդիրներու լուծման, հայոց լեզուի իմացութեան եւ օգտագործման խթանման, աջակցութեան կրթական, մշակոյթային եւ հայագիտական օճախներու արդիւնաւէտ գործունէութեան, համայնքներու մէջ առկայ ներուժի հաշուառման, համախմբման եւ այն համահայկական ծրագրերու մէջ ներգրաւելուն:

Նիստի աւարտին Համահայկական, միջազգային եւ եկեղեցական կառավարման հետ կապերու վարչութեան պետ Կամօ Սարգսեան ներկայացուց  վարչութեան հաշուետուութիւնը:

Վարչութեան երկու` համահայկական եւ միջազգային կազմակերպութիւններու հետ կապերու, Հայաստանեայց Առաքելական Սուրբ Եկեղեցւոյ եւ այլ հոգեւոր կառոյցներու հետ կապերու բաժինները իրականացուցած են վարչութեան 2012-ի աշխատանքային ծրագիրի “Սփիւռքի համայնքներուն մէջ տեղի ունեցող յիշարժան իրադարձութիւններու վերաբերեալ տեղեկատուական նիւթերու հաւաքման եւ մշակման, “Հայկական Սփիւռք-2011” տարեգիրքի հրատարակման հետ կապուած աշխատանքները:

 

LEAVE A REPLY

Please enter your comment!
Please enter your name here