ՅՈՎՀԱՆՆԷՍԵԱՆԻ ՀԱՆՐԱՀԱՒԱՔԸ ՅԵՏԱՁԳՈՒԵՑԱՒ ՀԻՆԳՇԱԲԹԻ ՕՐՈՒԱՆ

0
135

Այսօր Ազատութեան  Հրապարակին վրայ մեկնարկեց Ռաֆֆի  Յովհաննէսեանի  հրաւիրած  հանրահաւաքը: Խօսափողի մօտ կեցած Ռաֆֆի Յովհաննէսեան  նշեց,  թէ հանրահաւաքը  տեղի պիտի ունենայ  Հինգշաբթի, 28 Փետրուար  կէսօրէ ետք  ժամը  17.00-ին:  Ան ներողամտութիւն խնդրեց, որ  այսօրուան հաւաքին համար  դիմումը ուշացած  ըլլալով,  անիկա պիտի ըլլայ լոկ հանդիպում: Սակայն  Յովհաննէսեան  իր խօսքը իշխանութիւններուն ուղղելով ըսաւ.« Այստեղ   կուսակցութիւն չէք  գտներ, այլ՝ ժողովուրդ: «Ժառանգութիւն»ը ոչ թէ կուսակցութիւն է, այլ՝ հրաման»:  Ան աւելցուց, թէ պիտի  շարունակէ Հայաստանի տարբեր շրջաններ իր այցելութիւնները: 

Ապա հանրահաւաքին մասնակիցները  այցելեցին Եռաբլուր: Եռաբլուրի մէջ, «Ժառանգութիւն» կուսակցութեան  ղեկավարը  Վազգէն  Սարգսեանի շիրիմին  մօտ իր  համակիրներուն  հետ երգեց Հայաստանի հիմնը եւ ամփոփեց   հետեւեալ տողով՝  «Բայց երանի, ով իւր ազգի ազատութեամբ պիտի ապրի»:

LEAVE A REPLY

Please enter your comment!
Please enter your name here