Երջանկութեան բաղադրատոմս գոյութիւն չունի.Գիտնականներ

0
145

 Հոլիվուտեան, առաջին հայեացքէն  իտէալական թուացող  ամուսնութիւնները, ինչպիսին՝ Էլիզապէթ Թեյլըրը ու Ռիչըրտ  Պըրթընը , Բրետ Փիթը   եւ Ջենիֆըր Էնիսթոնը, ի վերջոյ, փլուզած  է:Գիտնականները այս կը  բացատրեն այն բանով, որ զոյգերը շատ նման եղած են իրարու:

 Գոլումպիա համալսարանի հետազօտողները կը պնդեն որ մարդիկ միշտ չէ, որ յարմարաւէտ կը զգան իրարու հետ: Օրինակ  Էլիզապէթ Թեյլըր ու Ռիչըրտ Պըրթըն  անհաւասարակշիռ եւ  զգացմունքային  եղած  են: Ի վերջոյ չեն կրցած   հանդուրժել   միմեանց եւ  բաժանուած են:

 Միացեալ Նահանգներու առողջապահութեան նախարարութիւնը վերջին երեք տարիներուն  կատարած է  հոգեբանական հետազօտութիւն մը, որուն մասնակցած  են 700 կանայք և տղամարդիկ:

 Անոնց ուղղուած  են կեանքի, մտերմութեան, ընդհանուր հետաքրքրութիւններու մասին հարցումներ: Պարզուած է, որ առաւել երջանիկ եղած են այն զոյգերը, որոնք այդքան մտերիմ չեն եղած:

 Հոգեբաններու կարծիքով,  զգացմունքային մտերմութեան համար պէտք է  փնտռել  «ոսկէ միջինը»:

 Փրոֆեսըր Տ.Ֆրոսթը, որ կը  հանդիսանայ  ուսումնասիրութեան ղեկավարներէն  մէկը, կը  պնդէ. «Շատ զոյգեր կը  հասկնան, որ զգացմունքայնութիւնը կարեւոր է մտերմութեան համար: Կարեւոր չէ, թէ որքան ժամանակ կ’ապրիք  միասին.շատ, թէ քիչ, ունիք նոյն հետաքրքրութիւնները կամ՝ ոչ: Կարեւորը այն է, որ ձեզի  յարմար ըլլայ: Եթէ փորձէք աւելի մտերմանալ, կամ հակառակը՝ ամէն ինչ կրնայ   գէշ վերջաբան  ունենալ». Կ’ըսէ  Ֆրոսթ: 

 Հետեւաբար կու գանք  այն եզրակացութեան, որ գոյութիւն չունի երջանկութեան բաղադրատոմս: Իւրաքանչիւր զոյգ ունի յարաբերութիւններու  յարմարաւէտութեան  սեփական գօտին: Մտերմութեան աստիճան՝  որ նպաստաւոր  է երկուքին:

 Այս ամենը  կը վերաբերի  ոչ միայն սիրահար զոյգերուն,  այլ ծնողք-զաւակ, գործընկեր, ընկեր յարաբերութիւններուն՝ կ’ընդգծեն ընկերային հոգեբանութեան տեղեկագրին  մէջ զետեղուած  յօդուածին  հեղինակները::

ԹԱՐԳՄԱՆԵՑ ԱՆԻ  ԿԱՐԱՊԵՏԵԱՆ

LEAVE A REPLY

Please enter your comment!
Please enter your name here