ՅՈՎԻԿ ԱԲՐԱՀԱՄԵԱՆ ԿԸ ՊԱՀԱՆՋԷ ՎԵՐՋ ՏԱԼ ԶՈՐՊԱՅՈՒԹԵԱՆ

0
141

Այսօր մեկնարկեցին  Հայաստանի Ազգային  Ժողովի  քառօրեայ  նիստերը: «Ժառանգութիւն» խմբակցութեան  ղեկավար  Ռուբէն  Յակոբեան  յայտարարեց, թէ  իրենք օրէնքի   շրջանակներու մէջ  ամէն  բան պիտի ընեն, որպէսզի  ժողովուրդի քուէով «Տէ Ֆաքթօ» ընտրուած  նախագահը ՝  տրամաբանական  շրջանակներու մէջ , դառնայ «Տէ  յուրէ» նախագահ:  Ապա խօսք առաւ  Հանրապետական խմբակցութեան  ղեկավար  Գալուստ Սահակեանը  եւ ըսաւ.«  Հանրապետութեան նախագահ ընտրուած է Սերժ Սարգսեանը: Գիտեմ մէկ բան՝ , որ  չարի վերջը գալու է, քիչ  չարութիւն  ըրէք»:

Վիճաբանութենէն ետք խօսք առաւ  Ազգային Ժողովի նախագահ  Յովիիկ Աբրահամեանը: Ան առաջարկեց խմբակցութիւններու ներկայացուցիչնեով   հաւաքուիլ եւ  քննարկել  յետընտրական հարցերը: Ան ըսաւ .« Եթէ եղած են  կեղծիքներ, ուրեմն անոր մասնակցած են  բոլոր  խմբակցութիւնները, որուն ես կը կասկածիմ:  Մենք կը յարգենք այն 539  հազար   քաղաքացիները, որոնք  ձայն տուած են Ռաֆֆի Յովհաննէսեանին եւ կը խնդրենք, որ  դուք ալ յարգէք  Սերժ Սարգսեանին ձայն տուած 861 հազար քաղաքացիները: Շատ կը յարգեմ Ռաֆֆի Յովհաննէսեանը,  քարոզարշաւի ընթացքին արեւմտեան այն  թեխնոլոկիաները , որ կիրառեց, արդիւնաւէտ էին,  բայց  չեմ հասկնար , թէ յետընտրական  ինչ թեխնոլոկիաներ կը կիրառուին:   Կ’առաջարկեմ  զորպայութեան վերջ տալ եւ յստակ նստիլ սեղանի  շուրջ եւ խօսիլ:  Բոլորս կը  հասկնանք, որ  անոնք Ռաֆֆի Յովհաննէսեանին ձայները  չեն, անոնք ընդդիմութեան  ձայներն են:  Համամիտ եմ այն  մարդոց  հետ, որոնք  զարմացած են այդ  ձայներու  քանակով:  Բոլորը  զարմացած են, անոնց մէջ Ռաֆֆի Յովհաննէսեանն ալ  զարմացած է, թէ ինչպէ՞ս այդքան  ձայն  ստացաւ» յայտարարեց  Յովիկ Աբրահամեանը:  Ան նաեւ  նշեց, թէ կը  սպասէ  Կեդրոնական Ընտրական Յանձնաժողովին կողմէ արդիւնքներուն  հրապարակմանը, որմէ ետք պատրաստ պիտի ըլլան  բանավէճերու եւ քննարկումներու:

Ռուբէն Յակոբեան անմիջապէս իր համաձայնութիւնը  տուաւ Ազգային Ժողովի նախագահի առաջարկին:  ՀՅԴ-ի   ներկայացուցիչ Արմէն  Ռուստամեան  յայտնեց, թէ  իր կուսակցութիւնը դէմ չէ Ազգային Ժողովի  նախագահի առաջարկին:

LEAVE A REPLY

Please enter your comment!
Please enter your name here