ՊԵՏԱԿԱՆ ԵՐԵՍՓՈԽԱՆ ՏԷՐ ԵՒ ՏԻԿԻՆ ԱՐԹԻՒՐ ՆԱԶԱՐԵԱՆ ԿԸ ՍՏԱՆՁՆԵՆ ՊԻՔՖԱՅԱՅԻ ՎԱՆՔԻՆ ՆԱՀԱՏԱԿԱՑ ԽՈՐԱՆԻՆ ԲԱՐԵՐԱՐՈՒԹԻՒՆԸ

0
140

Ն.Ս.Օ.Տ.Տ. Արամ Ա. Կաթողիկոսի փափաքին ընդառաջելով, պետական երեսփոխան եւ նախկին նախարար` Տէր եւ Տիկին Արթիւր Նազարեան ստանձնեցին բարերարութիւնը Պիքֆայայի վանքին մէջ կառուցուելիք Նահատակաց Խորանին: Սոյն խորանը պիտի կառուցուի հայ ժողովուրդի վերածնունդը խորհրդանշող Նահատակաց Յուշարձանին մօտ` Ցեղասպանութեան 100-ամեակին առիթով:

Յիշեալ ծրագիրի իրագործումին համար Տէր եւ Տիկին Արթիւր Նազարեան տրամադրած են երկու հարիւր յիսուն հազար Ամ. տոլար:

Այս առիթով Վեհափառ Հայրապետը իր բարձր գնահատանքը յայտնած է Տէր եւ Տիկին Արթիւր Նազարեանին, որուն ուղղած իր նամակին մէջ կը գրէ` «Մեզի համար հոգեկան խոր գոհունակութիւն է այս առիթով անդրադառնալ Ձեր ազնուական ծնողքին` Տէր եւ Տիկին Կարպիս Նազարեանի բերած կարեւոր նպաստին մեր ժողովուրդի կեանքէն ներս, յատկապէս Հ.Բ.Ը.Միութեան ճամբով: Արդարեւ, դուք Ձեր ծնողքէն ժառանգած էք ազգին ու եկեղեցւոյ նկատմամբ ունեցած սէրն ու նախանձախնդրութիւնը: Ահաւասիկ այդ ոգիին արտայայտութիւնն է որ կրկին անգամ կը մարմնաւորուի Ձեր այս նուիրատուութեամբ»:

 

 

LEAVE A REPLY

Please enter your comment!
Please enter your name here