ԽՈՐՀՐԴԱՐԱՆԱԿԱՆ ԵՐԿՐՈՐԴ ՊԱՏՈՒԻՐԱԿՈՒԹԻՒՆ ՄԸ Կ’ԱՅՑԵԼԷ ՕՃԱԼԱՆԻՆ

0
157

 Թրքական լրատուամիջոցներ հաղորդեցին, թէ խորհրդարանական երկրորդ  պատուիրակութիւն մըն ալ   երէկ հանդիպում  ունեցած էՔիւրտիստանի Աշխատաւորական կուսակցութեան ցմահ բանտարկութեան դատապարտուած ղեկավար Ապտուլլա Օճալանի հետ՝ Առաջին հանդիպումը կայացաւ   շաբաթավերջին:  

 Հակառակ այն իրողութեան, որ քրտամէտ Խաղաղութիւն եւ Ժողովրդավարութիւն կուսակցութեան պատուիրակութեան անդամները ցարդ պաշտօնական յայտարարութիւն մը չեն կատարած, կ՛ըսուի, որ Օճալան դիտել տուած է, թէ ներկայիս պատմական շրջան մը կ՛ապրինք ու ամէն մարդ շատ զգոյշ ու զգայուն պէտք է ըլլայ։ Օճալանի կը վերագրուի նաեւ հետեւեալ նախադասութիւնը. «63 տարեկան եմ եւ կ՛ուզեմ մեռնելէ առաջ հաշտութիւնը տեսնել»։ Ան նաեւ յոյս յայտնած է, թէ պետութեան եւ Քիւրտիստանի Աշխատաւորական Կուսակցութեան մօտ գերիները պէտք է ազատ արձակուին:
Թուրքիոյ վարչապետ Ռեճէպ Թայիփ Էրտողան նոյնպէս կը խօսի  հաշտութեան մասին՝ դիտել տալով, որ քիւրտ զինեալները պէտք է ամբողջովին վար դնեն զէնքերը, ապա հեռանան երկիրէն, սակայն առանց յստակացնելու, թէ փոխարէյնը ին՞չ քայլերու  պիտի  դիմէ  պետութիւնը:
Քրտամէտ կուսակցութեան համանախագահ Սելահէտտին Տեմիրթաշ ըսաւ, որ կուսակցութիւնը այս գործընթացին զօրակցելով՝ չի փափաքիր այն տպաւորութիւնը ձգել, թէ կը զօրակցի իշխող կուսակցութեան, այլ պարզապէս կը զօրակցի խաղաղութեան ու հաշտութեան։ Ան յիշեցուց, որ իր կուսակցութիւնը միշտ հաւատացած է, թէ քրտական հարցը կրնայ լուծուիլ միայն երկխօսութեամբ, սակայն իշխող կուսակցութիւնը «վերջին 11 տարիներուն շարունակած է ձգձգումի քաղաքականութիւնը, որուն հետեւանքով տասնեակ հազարաւոր մարդիկ իրենց կեանքը կորսնցուցած են»։

 

LEAVE A REPLY

Please enter your comment!
Please enter your name here