ՍՈՒՐԻՈՅ ԸՆԴԴԻՄՈՒԹԻՒՆԸ ՊԻՏԻ ՄԱՍՆԱԿՑԻ ՀՌՈՄԻ ԽՈՐՀՐԴԱԺՈՂՈՎԻՆ

0
133

Մոսկուա այցելող Սուրիոյ արտաքին գործոց նախարար Ուալիտ Մուալլէմ, Ռուսիոյ իր պաշտօնակից Սերկէյ Լաւրովի հետ խորհրդակցութիւններէն ետք դարձեալ յայտարարեց, թէ Սուրիոյ պետութիւնը պատրաստ է զինեալ ընդդիմութեան հետ բանակցելու՝ վերջ տալու համար արիւնահեղութեան: Իսկ  Լաւրով զգուշացուց, թէ արիւնահեղութեան շարունակումը կրնայ առաջնորդել սուրիական պետութեան փլուզման:
Մոսկուա միաժամանակ  կը պատրաստուի հիւրընկալելու  ընդդիմադիր ազգային համաձայնական խորհուրդը, Մոսկուայի կամ Ժընեւի մէջ երկխօսութեան յարմար պայմաններ ստեղծելու նպատակով:

Սուրիոյ ընդդիմութիւնը յայտարարեց, թէ   պիտի մասնակցի  Հինգշաբթի օր Հռոմի մէջ  տեղի ունենալիք  Սուրիոյ այսպէս կուչուած «բարեկամներ»ու  խորհրդաժողովին:
Սուրիական «Ուաթան» թերթը հաղորդեց, որ Սուրիոյ բանակը Հալէպի Պոսթան Փաշա թաղամասին մէջ գործողութեան մը ընթացքին սպաննած է իսլամ ծայրայեղական «Ճապհաթ Նուսրա»ի ղեկավար մը, ինչպէս նաեւ չորս թուրք սպաներ եւ ութ այլ զինեալներ:
Փարիզի մէջ, Ֆրանսայի արտաքին գործոց նախարարութիւնը հաղորդեց, թէ Սուրիոյ մէջ վիրաւորուած ֆրանսացի լրագրող Օլիվիէ Ֆոազան մահացած է:

 

LEAVE A REPLY

Please enter your comment!
Please enter your name here