ԱԶԵՐԻՆԵՐԸ ԽԱՌՆԱԿՈՒԹԻՒՆ ԿԸ ՓՈՐՁԵՆ ՅԱՌԱՋԱՑՆԵԼ ՖՐԱՆՍԱՅԻ ԱԶԳԱՅԻՆ ԺՈՂՈՎԻ ՇԷՆՔԻՆ ՄԷՋ

0
154

Երեքշաբթի օր, Ֆրանսայի Ազգային Ժողովի շէնքին մէջ Սումկայիթի  նահատակներուն յիշատակին ընթացքին,   երկու ազերիներ  խառնակութիւն  փորձելու պատճառով  ծեծի ենթարկուեցան:  

Միջադէպը  պատահեցաւ այն պահուն , երբ  ֆրանսահայ համայնքի ներկայացուցիչներու եւ ֆրանսական խորհրդարանի մէկ  քանի պատգամաւորներ կողմէ  կազմակերպուած «Սումկայիթի իրադարձութիւններէն  25 տարի ետք. ներկայի իրավիճակը եւ ապագայ հեռանկարները Լեռնային Ղարաբաղի ժողովուրդի համար» խորագիրով միջոցառման  ընթացքին։

Ականատեսներու վկայութեամբ, դահլիճին մէջ գտնուող  երկու ազերիներ` Փարիզի մօտ Ատրպէյճանական տան ղեկավար Միրվարի Ֆաթալիեւան եւ Վուսալ Հուսէյնովը, սադրանքի  դիմած են: Անոնք  նախ ոտքի չեն կեցած,  նահատակներու յիշատակին յայտարարուած  լռութեան  վայրկեանին,  ապա Ֆաթալիեւան յայտարարած է, թէ   ոտքի  պիտի կենայ`  յարգելու Խոջալուի զոհերու յիշատակը։ Այս  յայտարարութեան  հետեւած է   ծեծկռտուքը՝ Ապա  ոստիկանները  փակած են սրահին  դուռերը ` միջադէպին  մասնակցողներուն  ինքնութիւնը ճշդելու համար։

Ազերիական  աղբիւրներու պնդմամբ, միջոցառման կազմակերպիչները, փակելով դահլիճին  դուռերը , «գազանաբար ծեծած  են ատրպէյճանցիներուն», աւելցնելով , որ…. ֆրանսացի ծանօթ  հայամէտ խորհրդարանական Ֆրանսուա Ռոշբլուանը անձամբ ծեծելու կոչ ըրած է ազերիներուն:

Միջադէպի վայր  ժամանած են ոստիկանութեան, շտապ բուժօգնութեան աշխատակիցները, ինչպէս նաեւ Ֆրանսայի մօտ  Ատրպէյճանի դեսպանութեան ներկայացուցիչները։ Վերջիններուս վկայութեամբ` երկու ազերիները  ստացած են  մարմնական լուրջ վնասուածք։

 Փարիզի մէջ լոյս տեսնող Nouvelles d’Armenie-ն կ’ընդգծէ. – «Զարմանալիօրէն, Ատրպէյճանի դեսպանը` դիւանագէտներու ուղեկցութեամբ, անմիջապէս ժամանած է  դէպքին վայրը` դատապարտելու միջադէպը, ինչը տեղի  կու տայ ենթադրութեան, որ սադրանքը  ծրագրուած էր  նախապէս»։

Կ’ըսուի, թէ  Փարիզի մօտ  Ատրպէյճանի  դիւանագիտական առաքելութիւնը երկու ազերիներուն   ծեծին կապակցութեամբ բողոքագիր յղած է Ֆրանսայի արտգործնախարարութեանը եւ  կը պատրաստուի բողոքի նամակներ յղել նաեւ երկրի նախագահին ու Ազգային Ժողովին։

 

LEAVE A REPLY

Please enter your comment!
Please enter your name here