ԴԱՄԱՍԿԱՀԱՅԵՐ ՀՐԱՇՔՈՎ ԿԸ ՓՐԿՈՒԻՆ ՌՄԲԱԿՈԾՈՒՄԷՆ

0
170

24 Փետրուարին Դամասկոսի մէջ ռումբ մը ինկած է Պապ Թումա քրիստոնէական թաղամասի ՀՄՄ –  Հնչակեան ակումբին մօտ գտնուող Սենթ Ռիթա եկեղեցւոյ վրայ: «Արմէնփրէս»ին հետ ունեցած զրոյցին ընթացքին այս տեղեկութիւնը փոխանցած է դամասկոսաբնակ Նազարէթ Էլմաճեանը՝ աւելցնելով, որ տեղի ունեցած ռմբակոծումէն վնասներ չեն արձանագրուած։ Բարեբախտաբար, ռումբը չէ վնասած հայկական ակումբը, ուր մեծ թիւով հայեր հաւաքուած էին եւ հոգեհանգիստ կը կատարէին մահացած հայ կնոջ մը հոգւոյն։
Դամասկոսի մէջ տիրող ընդհանուր վիճակին անդրադառնալով՝ Էլմաճեան յայտնած է, որ գիշերը ուժգին բախումներ տեղի ունեցած են Ապպասին հրապարակին կից գտնուող թաղամասերուն մէջ: Թրոփիքանա լողաւազանին մօտ տեղի ունեցած է ուժգին պայթում մը, որմէ ետք բախումները սաստկացած են։ Անոր համաձայն, 26 Փետրուարի առաւօտեան իրավիճակը համեմատաբար հանգիստ է:

 

LEAVE A REPLY

Please enter your comment!
Please enter your name here