ՄԻՔԱԹԻ ՄԱՂԹԵՑ, ՈՐ ՇՈՒՏՈՎ ՎԵՐՋ ԳՏՆԷ ՍՈՒՐԻՈՅ ԱՐԻՒՆԱՀԵՂՈՒԹԻՒՆԸ

0
176

 Լիբանանի վարչապետ Նեժիպ Միքաթի «Սի.Էն.Էն.» պատկերասփիւռի կայանին հետ հարցազրոյցի մը ընթացքին մաղթեց, որ Սուրիոյ մէջ արիւնահեղութիւնը վերջ գտնէ եւ շեշտեց, որ Լիբանան ինքզինք քաղաքականապէս անջատած է Սուրիոյ տագնապէն, սակայն Լիբանանի տնտեսութիւնը եւ զբօսաշրջութիւնը ազդուած են այդ տագնապէն: Այնուամենայնիւ, լիբանանեան ճարտարարուեստի մարզը օգտուած է տագնապէն՝ իր արտադրութիւնները դէպի Սուրիա փոխադրելով», ըսաւ ան:
Անդրադառնալով Լիբանան ժամանած սուրիացի գաղթականներու հարցին՝ Միքաթի յայտնեց, որ Լիբանան հասած են աւելի քան հարիւր հազար գաղթականներ, որոնք պաշտօնապէս արձանագրուած են: Ան աւելցուց, որ գաղթականներու թիւը հաւանաբար բարձրանայ:
    Լիբանանի մօտ Միացեալ Նահանգներու դեսպան Մորա Քանըլի յայտնեց, որ առկայ է սուրիա-իրանեան ծրագիր մը, որուն հիման վրայ Լիբանանի եւ Սուրիոյ սահմանամերձ շրջանին մէջ պիտի ստեղծուի ապահովական գօտի մը:

   Լիբանանի խորհրդարանի նախկին փոխնախագահ Էլի Ֆըրզլի ներկայ գտնուեցաւ «Ուղղափառ Հանդիպում»ին կազմակերպած մամլոյ ասուլիսին, որուն ընթացքին բացայայտուեցան հանդիպումին մշակած ընտրական օրինագիծի մանրամասնութիւնները եւ անոր մշակման պատճառները: Լուսարձակի տակ առնուեցաւ յատկապէս այն իրականութիւնը, որ անհրաժեշտ նկատուած է քրիստոնեայ համայնքի իրաւունքներուն վերադարձը: Ֆըրզլի յայտնեց, որ օրինագիծը առաջարկուած է՝ նպատակ ունենալով փոխանցման շրջան մը ստեղծել, եւ աւելցուց, թէ նախագահ զօր. Միշել Սըլէյման չի կրնար օրինագիծը հակասահմանադրական նկատել: Ան շեշտեց, որ եթէ օրինագիծը Սահմանադրական Խորհուրդ փոխանցուի, ապա իրենք յստակ պատասխաններ ունին խորհուրդին ուղղելիք իւրաքանչիւր հարցումի:

LEAVE A REPLY

Please enter your comment!
Please enter your name here