ՅՈՎՀԱՆՆԷՍԵԱՆ` ՆԱԽԱԳԱՀ ՍԱՐԳՍԵԱՆԻ ՀԵՏ ՀԱՆԴԻՊԵԼՈՒ ՆՈՐ ԿԱՐԵԼԻՈՒԹԻՒՆՆԵՐՈՒ ՄԱՍԻՆ ԿԸ ԽՕՍԻ

0
151

Հայաստանի նախագահական նախկին թեկնածու Ռաֆֆի Յովհաննէսեան հաստատեցէ, որ պատրաստ է կրկին հանդիպելու նախագահ Սերժ Սարգսեանի հետ՝ դիտել տալով, որ պատրաստ է լսելու Սարգսեանին առաջարկները։
Հայաստանի հարաւային մարզի Մասիս քաղաքին մէջ իր մարզային հանդիպումներու ծիրին մէջ Ռաֆֆի Յովհաննէսեան նշեց, որ նման հանդիպումներ կրնան միջոց ըլլալ յետընտրական ճգնաժամէն դուրս գալու ուղիներ գտնելու‘ տիրող կացութիւնը նկատելով «համազգային ահազանգ»։
Պատասխանելով քաղաքացիներէն մէկուն այն հարցումին, թէ ինչո՞ւ Սարգսեանի հետ անոր նախորդ հանդիպումը տեղի ունեցած է առանց լրագրողներու՝ Յովհաննէսեան նշեց. «Դուք իրաւացի էք, եթէ Սերժ Սարգսեանը կրկին ցանկանայ հանդիպել, ես կը պահանջեմ, որ հանդիպումը բաց եւ հրապարակային բնոյթ կրի»:
«Հաշուէք փակ դռները Էջմիածնում, ընդմիշտ Ռուսաստան, Ամերիկա մեկնածների տների դռները: Մենք մեր ուժերով մեր Հայաստանը կը դարձնենք վերադարձի երկիր: Ոչ ոք մեզնից չի խլի մեր երկիրը, մեր իրաւունքը, մեր Սահմանադրութիւնը», յայտարարեց  Ռաֆֆի Յովհաննէսեան՝ Արմաւիրի մարզի Էջմիածին քաղաքի բնակիչներուն հետ ունեցած  հանդիպումին ընթացքին։
Անոր համաձայն, ինք ոչինչ ունի ըսելիք, բացի գլուխ խոնարհել քաղաքի բնակիչներուն առջեւ՝ նախագահական ընտրութիւններուն իրեն նկատմամբ ցուցաբերուած աջակցութեան համար: «Շատերը չէին հաւատում ժողովրդի յաղթանակին, Էջմիածինը հաւատաց եւ դուք յաղթեցիք, իշխանութիւնը վերադարձրիք ժողովրդին՝ ինքներդ ձեզ», հաստատեց ան։
«Վլատիմիր Փուտինը, իմ ծննդավայր Ամերիկան, Ֆրանսան շտապեցին: Սուրբ Կաթողիկոսը, ում ես շատ յարգում եմ, ինքս էլ հայ առաքելական եկեղեցու հետեւորդ եմ, նոյնպէս շտապեց: Սա ոչ Ամենայն հայոց կաթողիկոսի, ոչ էլ Մեծի Տանն Կիլիկիոյ կաթողիկոսի հարցը չէ: Նրանք պէտք է հոգեւոր հարցերը լուծեն: Սա Սերժի եւ Ռաֆֆիի, Ռուսաստանի եւ Ամերիկայի հարցը չէ: Սա ժողովրդի հարցն է, եւ նա իշխանութիւնը վերադարձրել է իրեն», նշեց  Յովհաննէսեան:

LEAVE A REPLY

Please enter your comment!
Please enter your name here