ՌԷԱԼ ՄԱՏՐԻՏ ՀԱՍԱՒ ԲԱԺԱԿԻ ԱՒԱՐՏԱԿԱՆԻՆ

0
138

Սպանիոյ   բաժակի   կիսաւարտական հանգրուանի դարձի  առաջին մրցումին, Ռէալ Մատրիտ 3-1 արդիւնքով պարտութեան մատնեց իր աանդական մրցակիցը Պարչելոնան:  Յաղթանակին աւելի   իմաստ կու տար այն իրողութիւնը, որ  ճակատումը տեղի կ’ունենար Պարչելոնայի  Նու Գամփ  մարզադաշտին մէջ:   Երթի  մրցումը Մատրիտի մէջ աւարտած էր 1-1 հաւասարութեամբ: 

Մրցումի  13-րդ վայրկեանին, իրաւարարը  Ռէալին շնորհեց  Փենալթի հարուած մը:  Քրիսթիանօ Ռոնալտօ նշանակեց արքայական կազմին առաջին կոլը:  Առաջին կիսախաղը 1-0 աւարտելէ ետք, երկրորդ կիսախաղին սկիզբը   Ռոնալտօ կրկնապատկեց  հաշիւը՝ 2-0: Մրցումի 68-րդ վայրկեանին, Ռէալի պաշտպան Ռաֆայէլ  Վարան երրորդ գնդակը նշանակեց գաթալոնական կազմին բերդէն ներս:  89-րդ  վայրկեանին  Ճորտի Ալպա  նշանակեց Պարչելոնայի հեղինակութեան կոլը:  Այսպիսով   ոխերիմ մրցակիցներուն միջեւ հերթական « Էլ Գլասիքօ»ն  վերջ գտաւ  Ռէալի յաղթանակով՝ 3-1:

 Ռէալի մրցակիցը աւարտական   մրցումին պիտի  ըլլայ  Սեւիլիա – Աթլեթիքօ   Մատրիտ ճակատումին  յաղթողը:  Ռէալ  Մատրիտ, մրցանիշային  38-րդ անգամ ըլլալով  կը հասնի Սպանիոյ բաժակի աւարտականին:  Մրցումէն ետք,  Ռէալի  28-ամեայ  փորթուգալացի յարձակող Քրիսթիանօ Ռոնալտօ  յայտարարեց, թէ  իր կազմը  Նու Գամփ մարզադաշտին մէջ  շատ աւելի լաւ կը խաղայ Պարչելոնայի դէմ, քան՝  Մատրիտի:

 

ՄԱՐԶԱԿԱՆ ԿԱՐՃ ԼՈՒՐԵՐ

–         Ինթէր Միլան   քսան միլիոն եուրօ  գումար մը  առաջարկած է,  Մանչեսթըր Սիթիի եւ Ֆրանսայի ազգային խումբի միջնապահ Սամի Նասրիի  համար:

–          Ֆրանսական մարզաթերթերը կը գրեն, թէ Փարի Սէն Ժերմէն  46 միլիոն եուրօ գումար մը պատրաստ է  վճարելու Մանչեսթըր Եունայթըտին, որպէսզի իր կամին մէջ ունենայ Ուէյն Ռունին:

–          Սպանացի  Ռաֆայէլ Նատալ  յաղթանակով սկսաւ  Մեքսիքոյի Աքափուպլքօ  քաղաքին մէջ կայացող  թենիսի  միջազգային մրցաշարքը:  Նատալ՝ 6-2, 6-2 արդիւնքով պարտութեան մատնեց արժանթինցի  Տիէկօ Սեպասթիան Շուարցմանը:

–         Ռէալ Մատրիտ ակումբի տնօրէնութիւնը մինչեւ 70 միլիոն սթերլին գումար վճարելու պատրաստամութիւն յայտնեց Թոթենհամին , ձեռք բերելու   անոր 23-ամեայ յարձակող  Կարէթ Պէյլը:

 

LEAVE A REPLY

Please enter your comment!
Please enter your name here