ՀՀ ՍՓԻՒՌՔԻ ՆԱԽԱՐԱՐ ՀՐԱՆՈՅՇ ՅԱԿՈԲԵԱՆ ԸՆԴՈՒՆԵՑ ՀԲԸՄ ՆԵՐԿԱՅԱՑՈՒՑԻՉՆԵՐԸ

0
138

Ուրբաթ, 1 Մարտին ՀՀ Սփիւռքի նախարար Հրանոյշ Յակոբեան ընդունեց Դամասկոսի հայոց թեմի ատենապետ և ՀԲԸՄ  կեդրոնական վարչական ժողովի անդամ Վազգէն Յակոբեանը,  ՀԲԸՄ հայաստանեան գրասենեակի տնօրէն Արփի Վարդանեանը  եւ  ՀԲԸՄ-ի  անդամ Յովիկ  Էօրտեկեանը:

Հանդիպման ընթացքին քննարկուեցան շարք մը ծրագիրներու ծիրին մէջ  նախնական պայմանաւորուածութեամբ  իրականացուելիք աշխատանքները:

Նախարար Հ. Յակոբեանը  կարեւորեց  համահայկական նշանակութեան հիմնախնդիրներու լուծմանն ուղղուած  համատեղ ծրագիրներու իրականացումը:

Սփիւռքի նախարարութեան և ՀԲԸՄ-ի կողմէ սորիահայերու համար  համատեղ իրականացուող բարեգործական ձեռնարկները նոյնպէս համագործակցութեան  արդիւնք են: ՀԲԸՄ ներկայացուցիչները նշեցին, որ իրենք վերջերս Հայաստանի մէջ գտնուող սուրիահայերուն տաք հագուստ բաժնած են, սակայն յառաջիկային կը  նախատեսեն  առաւել մնայուն ու հեռանկարային ձեռնարկներ իրականացնել՝ կարեւորելով անոնց աշխատանք ձեռք բերելու խնդիրը: Նախարար Հ. Յակոբեան առաջարկեց ուշադրութեան առանցքին տակ պահել եւ օժանդակել այն սուրիահայերուն, որոնք սկսած են  ձեռնարկատիրական առաջին քայլերուն:

Հանդիպման աւարտին պայմանաւորուածութիւն ձեռք բերուեցաւ   համադրելու Սփիւռքի նախարարութեան և ՀԲԸՄ հայաստանեան գրասենեակի   համահայկական նշանակութեան ծրագիրները:

 

LEAVE A REPLY

Please enter your comment!
Please enter your name here