20 ԲԱԼ ԱԼ ՍՏԱՆԱՍ, ՈՉԻՆՉ ԿԸ ՓՈԽՈՒԻ.« ՍՓԻՒՌՔԱՀԱՅ ՈՒՍԱՆՈՂՆԵՐՈՒ ԽՈՐՀՈՒՐԴԻ» ՆԱԽԱԳԱՀ

0
139

«ՀՀ ԿԳ նախարարութեան  պաշտօնական տուեալներով  Հայաստանի մէջ կ’ուսանին  4309 սփիւռքահայ ուսանողներ: Մեծ է հոսքը Վրաստանէն՝ (2026 ուսանող), Ռուսաստանի Դաշնութենէն՝ (1422 ուսանող), ապա՝  Սուրիայէն, Ուքրանիայէն, Միացեալ Նահանգներէն, Էսթոնիայէն եւ այլն: Ընդհանուր 37 երկիրներէ են»,-«Սփիւռքահայ ուսանողները Հայաստանի Մէջ» թեմային անդրադառնալով այսօր՝ լրագրողներու հետ  հանդիպման ժամանակ նշեց «Սփիւռքահայ ուսանողներու Խորհուրդ (ՈՒՀԿ)»-ի նախագահ   Սամուէլ Մկոյեանը:

 Բանախօսի հաւաստմամաբ  սփիւռքահայ ուսանողները կը  նախընտրեն Մխիթար . Հերացիի  անուան բժշկական համալսարանը(538 ուսանող), Երեւանի Պետական  Համալսարանը(370 ուսանող), Խ.Աբովեանի անուան մանակավարժական համալսարանը(277 ուսանող) և ԵՃՇՊՀ-ն(Երևանի ճարտարապետութեան եւ շինարարութեան պետական համալսարան):

Սփիւռքահայ  ուսանողները Հայաստանի մէջ կ’առնչուին  բազում խնդիրներու հետ, որոնցմէ, օրինակ վարձավճարի չափը.«Սփիւռքահայ ուսանողները 30 տոկոսով աւելի  կը  վճարեն՝ ի տարբերութիւն տեղացի հայերու»-նշեց Սամուէլ Մկոյեանը՝ նշելով, որ  բարձրագոյն կրթութեան մասին օրէնքի 6-րդ յօդուածի 3-րդ կէտի համաձայն, Լեռնային Ղարաբաղի Հանրապետութեան   եւ ջաւախահայութեան վարձավճարը իջեցուցած են՝ հաւասարեցնելով Հայաստանի Հանրապետութեան  ուսանողներու վարձավճարի չափին: Այժմ աշխատանքներ կը կատարուին  ԿԳ նախարարութեան հետ՝ հարցին լուծում տալու համար:

 Նուազ   չեն  նաեւ լեզուի եւ հոգեբանական խնդիրները:«Գոնէ հայերէնի դասընթացներ ըլլային՝ սփիւռքահայ ուսանողներու համար: Անոնք կը  բախին նաեւ հոգեբանական խնդիրներու՝ կապուած ապրելակերպի և այլ խնդիրներու հետ»,-ըսաւ  բանախօսը:

 «Չունինք  անվճար համակարգէն օգտուելու, զեղչի հնարաւորութիւն: Սա շատ կը խոչընդոտէ, եթէ  կը  մտածես՝ 20 բալ ստանալ դարձեալ ոչինչ  կը  փոխուի»,-եզրափակեց «ՈՒՀԿ»-ի նախագահը:

 Անի Կարարպետեան

LEAVE A REPLY

Please enter your comment!
Please enter your name here