ԽՈՐՀՐԴԱՐԱՆԱԿԱՆ ՄԵԾԱՄԱՍՆՈՒԹԻՒՆԸ ԿԸ ԶԳՈՒՇԱՑՆԷ 1960-Ի ՕՐԻՆԱԳԻԾԸ ՎԵՐԱԿԵՆԴԱՆԱՑՆԵԼՈՒ ՓՈՐՁԵՐԷՆ

0
139

  Լիբանանեան կառավարութիւնը այսօր առաւօտեան  Պաապտայի պալատին մէջ հանրապետութեան նախագահ Միշէլ Սըլէյմանի գլխաւորութեամբ եւ վարչապետ Նեժիպ Միքաթիի  մասնակցութեամբ գումարեց նիստ մը:  Նախքան նիստը,  հանրապետութեան նախագահը եւ վարչապետը ունեցան կարճ  խորհրդակցութիւն մը:  Կառավարութեան  նիստին ընթացքին, հանրապետութեան նախագահը  վեր առաւ քաղաքապետարանի մասնակի  ընտրութիւններուն ընթացքին տիրող  մթնոլորտը, իչնչպէս նաեւ ապահովական  կառոյցներուն  բանեցուցած  հսկողութիւնը :  Նախագահը   անդրադարձաւ  Սայտայի մէջ  շրջուն  նստացոյցերու երեւոյթին, ընդգծելով, որ կառավարական կառյոցներ  անհրաժեշտ  բոլոր միջոցներով   նախանձախնդիր կը մնան   Սայտայի ապահովութեան:  Կառավարութիւնը քննարկեց  աշխատավարձերու յաւելման թղթածրարը: Այս հարցին վերաբերեալ վարչապետ Նեժիպ Միքաթի պիտի շարունակէ  տնտեսական  մարմիններու հետ իր խորհրդակցութիւնները:  Նիստի  ընթացքին հանրապետութեան նախագահը եւ վարչապետը դիտել տուին, թէ 1960-ի ընտրական օրինագիծը մահաքունի մէջ կը գտնուի, սակայն  կը մնայ ուժի մէջ, մինչեւ անոր  թաղումը: Կառավարութեան յաջորդ նիստը տեղի պիտի ունենայ  յառաջիկայ Երեքշաբթի, վարչապետարանին մէջ: Սենտիքայական Համակարգող Խորհուրդը  երէկ առաւօտեան  նստացոյց մը կատարեց   Պաապտայի պալատի մուտքին,  վերյիշեցնելով իր պահանջները:

Խորհրդարանի նախագահ  Նեպիհ Պըրրի Այն էլ Թինէի մէջ ընդունեց խորհրդարանական մեծամասնութիւնը ներկայացնող պատուիրակութիւն մը: Հանդիպման ընթացքին երեսփոխանները  քննադատեցին Ուղղփառ Հանդիպումէն  բխած օրինագիծին հանդէպ վարչապետ  Նեժիպ Միքաթիի կատարած քննադատութիւնը:  Միւս կողմէ,  Պըրրի՝ համայնքային  վիշապին դէմ պատասխանատուութեան գիտակցութիւն  ցուցաբերելու կոչ ուղղեց քաղաքական բոլոր կողմերուն:  Ան նաեւ ակնարկելով իր հասցէին կատարուող քննադատութիւններուն, ըսաւ.«Ոչ ոք ինծի իմ դերակատարութիւնս թող  գծէ, ես  կառչած չեմ որեւէ    թուականի կամ   ժամանակամիջցի»:

Լիբանանեան Ուժեր Կուսակցութեան գործադիր Խորհուրդի նախագահ Սամիր Ժաաժա անտեղի գտաւ այն հոսանքներուն  ճիգերը, որոնք կը խորհին, թէ ժամանակի վրայ խաղալով  պիտի վերադառնան  1960-ի ընտրական օրինագիծին:

Մուսթաքպալ Հոսանքը  գումարեց նիստ մը եւ քննարկեց   երկրինն ներքին իրավիճակը: Նիստէն ետք   լոյս ընծայուած հաղորդագրութեան մէջ, Մուսթաքպալ Հոսանքը   շեշտեց  խորհրդարանական  ընտրութիւնները  ճշդուած ժամկէտին կայացնելու անհրաժեշտութիւնը, ինչպէս նաեւ պատրաստակամութիւն  յայտնեց  քննարկելու որեւէ ընտրական  օրինագիծ:Հոսանքը նաեւ   պահանջեց լուծում մը գտնել աշխատավարձերու յաւելման թղթածրարին

 

LEAVE A REPLY

Please enter your comment!
Please enter your name here