ՍԻԹԻ ԿՐՃԱՏԵՑ ԵՈՒՆԱՅԹԸՏԻ ԱՌԱՒԵԼՈՒԹԻՒՆԸ

0
179

Անգլիոյ  Փրըմիյէրշիփի ախոյեանութեան 28-րդ հանգրուանի մրցումներուն գծով, Մանչեսթըր Սիթի  1-0 արդիւնքով  կարեւոր յաղթանակ մը արձանագրեց Ասթոն Վիլայի դէմ, այս  վերջնոյն դաշտին մէջ:  Գարլոս Թեւէզ նշանակեց   մրցումին եւ Սիթիի   միակ կոլը: Սոյն  յաղթանակէն ետք,  Սիթի  12 կէտի կրճատեց առաջին դիրքի վրայ գտնուող Մանչեսթըր Եունայթըտի առաւելութիւնը:  Ախոյեանութեան աւարտին կը մնայ  տասը հանգրուան: Միւս կողմէ , Ասթոն Վիլայի   կացութիւնը  դարձաւ մտահոգիչ: Ներկայիս ան կը գրաւէ  ընդհանուր դասաւորման 16-րդ դիրքը:

«ՉԵՄՓԻԸՆԶ ԼԻԿ»

   ՓԱՐԷ ՍԷՆ ԺԵՐՄԷՆ –    ՎԱԼԵՆՍԻԱ

Վաղը՝ Չորեքշաբթի երեկոյեան, Պէյրութի  ժամով՝  21.45-ին, երկու  հանդիպումներ տեղի պիտի ունենան  Եւրոպայի Ախոյեան Ակումբներու Ախոյեանութեան «ՉեմփիընզԼիկ» մրցաշարքի  նոք-աութ հանգրուանի գծով:

Իտալիոյ մէջ, Եուվենթուս պիտի  ընդունի  Սելթիքը:  Սկովտիական խումբը երթի հանդիպումին սեփական   դաշտին մէջ ընդունեց երեք անպատասխան  գնդակ: Դարձի մրցումը  պիտի կրէ  ձեւական բնոյթ:

 Ֆրանսայի  մայրաքաղաքին մէջ,  Փարի Սէն Ժերմէն պիտ ընդունի  Վալենսիան: Երթի   հանդիպումը Սպանիոյ մէջ   վերջ գտաւ Սէն Ժերմէնի  յաղթանակով՝ 2-1:   Ֆրանսական  կազմէն պիտի  բացակայի  յարձակող  Զլաթան Իպրահիմովիչը՝  երթի  մրցումին կարմիր տոմս ստանալուն պատճառով:

 

 

ՄԱՐԶԱԿԱՆ ԿԱՐՃ ԼՈՒՐԵՐ

–         Ռուսիոյ ազգաին խումբի  մարզիչ Ֆապիօ Գափելօ հերքեց  յառաջիկայ  մարզական տարեշրջանի համար   Չելսիի գլխաւոր մարզիչի պաշտօնը ստանձնելու մասին  շշուկները:  Գափելլօ  ըսաւ, թէ   կեդրոնացած է Ռուսիոյ  հաւաքականը  Մոնտիալ 2014-ի եզրափակիչներուն հասցնելու աշխատանքին:

–         Խթանիչներ   օգտագործելու   պատճառով որակազրկուած   հեծանաւորդ  Լանս Արմսթրոնկ կրնայ զրկուիլ Ֆրանսայի  Պատուոյ   Լեգիոնի   շքանշանէն:  Արմսթրոնկ այդ  պատուին արժանացած էր 2005-ին՝  7-րդ անգամ Ֆրանսայի    շրջավազքը   շահելու առիթով:

–         Անգլիական Լիվըրփուլ ակումբի   պարտքը կը գնահատուի 87 միլիոն սթերլին: Ակումբին ընդնանուր տնօրէնը՝ Իան  Էյր, վստահեցուց, որ անհանգստանալու անհրաժեշտութիւն չկայ, որովհետեւ  ակումբը կ’ընթանայ ճիշդ ուղղութեամբ:

LEAVE A REPLY

Please enter your comment!
Please enter your name here