ՆԱԽԱԳԱՀ ՍԵՐԺ ՍԱՐԳՍԵԱՆ ԸՆԴՈՒՆԵՑ ԳԵՐՄԱՆԻՈՅ ՊՈՒՆՏԵՍԹԱԿԻ ՆԱԽԱԳԱՀԸ

0
118

Չորեքշաբթի, 6 Մարտին, Հայաստանի հանրապետութեան նախագահ Սերժ Սարգսեան ընդունեց    Գերմանիոյ   Պունտեսթակի նախագահ Նորպերթ   Լամերթը:

 Զրուցակիցները գոհունակութիւն յայտնեցին հայ-գերմանական յարաբերութիւններու բարձր մակարդակի` քաղաքական երկխօսութեան, տնտեսական համագործակցութեան, գիտակրթական եւ մշակութային փոխանակումներու կապակցութեամբ: Որպէս բարեկամական յարաբերութիւններու ընդլայնման կարեւոր ձեւաչափ երկուստէք ընդգծուած է խորհրդարանական աշխոյժ համագործակցութեան կարեւորութիւնը:

Հանդիպման ընթացքին մտքեր փոխանակուեցան  Հայաստան – Եւրոպական Միութիւն յարաբերութիւններու, իրականացուող ծրագիրներու եւ Արեւելեան գործընկերութեան ծիրէն ներս ընթացող բանակցութիւններու վերաբերեալ:

Պունտեսթակի ղեկավարի խնդրանքով նախագահ Սարգսեան հանգամանալից ներկայացուց արցախեան հիմնախնդրի խաղաղ կարգաւորման ուղղութեամբ Հայաստանի եւ միջազգային հանրութեան կողմէ գործադրուող ջանքերը:

Նորպերթ Լամերթ նաեւ բարձր գնահատեց Աֆղանստանի մէջ անվտանգութեան աջակցման ուժերու գերմանական զօրախումբի կազմին հայ խաղաղապահներու ծառայութիւնը:

 Լամերթ նաեւ  հանդիպում  ունեցաւ  արտաքին գործոց նախարար  Էտուարտ Նալպանտեանի եւ  Ազգային Ժողովի  նախագահ Յովիկ Աբրահամեանի հետ:

 

LEAVE A REPLY

Please enter your comment!
Please enter your name here