ՍԱՄՈՒԷԼ ԿԱՐԱՊԵՏԵԱՆ՝ ԱՇԽԱՐՀԻ ԱՄԵՆԱՀԱՐՈՒՍՏ ՀԱՅԸ

0
152

Ռուսիաբնակ հայ միլիառատէր Սամուէլ Կարապետեանը «Ֆորպզ»ի միլիառատէրերու ցանկին մէջ շրջանցած է երկար տարիներէ ի վեր իր անվիճելի տեղը գրաւող ամերիկահայ Քըրք Քըրքորեանը՝ դառնալով աշխարհի ամէնէն հարուստ հայը:
«Ֆորպզ» ամսագիրը Կարապետեանի կարողութիւնը գնահատած է 3.8 միլիառ տոլար: Ամսագիրին համաձայն, «Տաշիր Կրուփ»ի 47ամեայ սեփականատիրոջ դրամական գործունէութիւնը 2012-ին հետ բաղդատելով աճած է 22 միլիառով:
Ամսագիրը Կարապետեանը կը ներկայացնէ որպէս գործարար մը, որ մեծ գործառնութիւններ կատարած է ճգնաժամի տարիներուն եւ այժմ ունի 7 առեւտրական կեդրոն եւ 7 պանդոկ: «Ֆորպզ»ը նշած է նաեւ, որ անոր առեւտուրը տարածուած է Ռուսիոյ 25 շրջաններու մէջ, սակայն վերջերս նաեւ նոր ծրագիրներ կ՛իրականացնէ Մոսկուայի մէջ:
«Ֆորպզ»ի համաձայն, 95-ամեայ Քըրք Քըրքորեանի կարողութիւնը 3.3 միլիառ տոլար է, որ նախորդ տարուան հետ բաղդատելով նոյն մակարդակի վրայ է։
Այլ ականաւոր հայ միլիառատէրներու շարքին մէջ են Ռուսիոյ հայ գործարար Տանիլ Խաչատուրովը, որ ռուսական ապահովագրական հսկաներէն մէկուն՝ «Ռոսգոսստրախ»ի հիմնական բաժնետէրն է, եւ Սերկէյ ու Նիկոլա Սարգիսով եղբայրները, որոնք «Ռեսօ Գարանտիա» ապահովագրական ընկերութեան բաժնետէրերն են: Անոնց նիւթական կարողութիւնը գնահատուած է 1.35ական միլիառ տոլարով:
Ծագումոէ լիբանանցի, մեքսիքացի միլիառատէր Գարլոս Սլիմ կը գլխաւորէ այս տարուան միլիառատէրերու ցուցակը՝ 73 միլիառ տոլար կարողութեամբ:

LEAVE A REPLY

Please enter your comment!
Please enter your name here