ՉԵՄՓԻԸՆԶ ԼԻԿ – ՍԷՆ ԺԵՐՄԷՆ ԵՒ ԵՈՒՎԵՆԹՈՒՍ ՀԱՍԱՆ ՔԱՌՈՐԴ ԱՒԱՐՏԱԿԱՆ ՀԱՆԳՐՈՒԱՆ

0
141

 Եւրոպայի Ախոյեան Ակումբներու Ախոյեանութեան «ՉեմփիընզԼիկ» մրցաշարքի նոք –ութ հանգրուանի դարձի  մրցումներուն գծով,    Փարիզի «Փարք Տը Փրենս» մարզադաշտին մէջ   Փարի Սէն  Ժերմէն ընդունեց   Վալենսիան:  Երթի մրցումը   Սպանիոյ մէջ  վերջ գտած էր  ֆրանսական խումբին յաղթանակով՝ 2-1:   43 հազար մարզասէրներու առջեւ տեղի ունեցող այս մրցումը սկսաւ   սպանական խումբին յարձակումներով:    Սէն Ժերմէնի կազմէն   Իպրահիմովիչի բացակայութիւնը  զգալի էր:  Առաջին կիսախաղը 0-0 հաւասարութեամբ աւարտելէ ետք,  մրցումի 55-րդ վայրկեանին  Ճոնասի նշանակած կոլը  յառաջ մղեց սպանացիները:  Տասնմէկ վայրկեան ետք  ֆրանսացիները հաւասարեցան՝  Լավեզիի նշանակած կոլին շնորհիւ:   Մրցումը  աւարտեցաւ  1-1 հաւասարութեամբ, սակայն երթի մրցումին արձանագրած   յաղթանակին շնորհիւ,  Սէն Ժերմէն անցնող տասն ութ տարիներուն մէջ առաջին անգամ ըլլալով հասաւ համանուն բաժակի քառորդ աւարտականի հանգրուանը:

Միւս կողմէ,  Թորինոյի  Տէլ Ալփի մարզադաշտին մէջ, Եուվենթուս  2-0 արդիւնքով պարտութեան մատնեց  Սելթիքը (կիսախաղ՝ 1-0):  Ալեսանտրօ Մաթրի՝ 24-րդ եւ  Ֆապիօ Քուալիարելլա՝ 65-րդ վայրկեաններուն նշանակեցին  «Եուվէ-ի կոլերը: Երթի  հանդիպումը  Սկովտիոյ մէջ  աւարտած էր  իտալական կազմին յաղթանակով՝ 3-0:

Կ’արժէ նշել, որ  Եուվենթուս  վերջին   ինը տարիներուն ընթացքին առաջին անգամ ըլլալով կը հասնի սոյն մրցաղարքին   քառորդ աւարտականի հանգրուանին:

LEAVE A REPLY

Please enter your comment!
Please enter your name here