ՊԱՆ ՔԻ ՄՈՒՆ ԿԸ ՊԱՀԱՆՋԷ ԱԶԱՏ ԱՐՁԱԿԵԼ ՄԱԿ-Ի ԽԱՂԱՂԱՊԱՀՆԵՐԸ

0
134

 ՄԱԿ-ի  ընդհանուր  քարտուղար Պան Քի Մուն դատապարտեց Կոլանի բարձունքին վրայ ՄԱԿ-ի  քսան խաղաղապահներու   առեւանգումը եւ Սուրիոյ  ընդդիմութենէն պահանջեց անմիջապէս ազատ արձակել զանոնք:

Զինեալները  ՄԱԿ-ի աշխատակիցները ազատ արձակելու համար, նախապայման դրած են, որ սուրիական  պետութիւնը ներկայացնող ուժերը  հեռանան  Կոլանի  բարձունքէն  մէկուկէս  քիլոմեթր հեռաւորութեան վրայ գտնուող  Ճամլիա  գիւղէն:  ՄԱԿ-ի մօտ  Ռուսիոյ դեսպան   Վիթալի Չուրքին    դատապարտեց    առեւանգման  գործողութիւնը եւ ընդդիմութեան վրայ ազդեցութիւն ունեցող պետութիւններէն պահանջեց  ազատ արձակել խաղաղապահները:

 Միւս կողմէ, Արաբական Լիկայի ընդհանուր քարտուղար Նեպիլ Արապի հերքեց  Լիկայի մօտ Սուրիոյ աթոռը ընդդիմութեան  յանձնելու մասին տեղեկութիւնները:  Արաբական Լիկան  2011  Նոյեմբերէն ի վեր  սառեցուցած է Սուրիոյ անդամակցութիւնը:

LEAVE A REPLY

Please enter your comment!
Please enter your name here