Ամերիկա Կը Շարունակէ Ջանքերը՝ Արցախի Տագնապի Խաղաղ Կարգաւորման Գծով. Մորնինկսթար

0
167

 Իբրեւ ԵԱՀԿ Մինսքի խմբակի համանախագահ՝ Միացեալ Նահանգները պատրաստ է շարունակելու իր ջանքերը Լեռնային Ղարաբաղի հակամարտութեան խաղաղ կարգաւորման նպատակով. Հինգշաբթի, Մարտ 7-ին այս մասին յայտնեց Ատրպէյճանի մօտ Միացեալ Նահանգներու դեսպան Ռիչըրտ Մորնինկսթար, «Ամերիկայի Ձայն» ձայնասփիւռի կայանին հետ կատարուած հարցազրոյցի մը ընթացքին:
Անդրադառնալով արդէն իսկ 20 տարիներէ ի վեր շարունակուող ԵԱՀԿ Մինսքի խմբակի միջնորդութեամբ բանակցութիւններուն՝ Մորնինկսթար յայտնեց, որ որոշիչը ոչ թէ բանակցութիւններու ձեւաչափն է, այլ՝ կողմերուն կամքը:
«Գիտեմ, որ Մինսքի խմբակի շրջանակի գործընթացէն հիասթափութիւններ կան, բայց կ՛ուզեմ հարց տալ՝ արդեօ՞ք այդքան կարեւոր է բանակցութիւններու ձեւաչափը: Իրականութեան մէջ կողմերուն համար կարեւորագոյն պահը պիտի հանդիսանայ քաղաքական կամքի գոյացումը՝ վերջնական կարգաւորման հասնելու համար: Այս շատ բարդ հարցերուն նկատմամբ պէտք է կառուցողական վերաբերում ցուցաբերուի», աւելցուց Մորնինկսթար:

 

LEAVE A REPLY

Please enter your comment!
Please enter your name here