ԵՐԵՒԱՆԻ ՄԷՋ, 13-ԷՆ 18 ՄԱՅԻՍԻ ՄԻՋԵՒ ՏԵՂԻ ՊԻՏԻ ՈՒՆԵՆԱՅ ԺԱՄԱՆԱԿԱԿԻՑ ԲԱՆԱՍՏԵՂԾՈՒԹԵԱՆ ՓԱՌԱՏՕՆ

0
155

Մայիս ամսուան 13-էն 18-ի միջեւ չորրորդ  անգամ  ըլլալով  տեղի պիտի ունենայ Ժամանակակից բանաստեղծութեան երևանեան փառատօնը: Ան կ’ընդգրկէ ասմունք, լուսանկարչութիւն, գեղանկարչութիւն: «Սահմանափակում կայ միայն ասմունքի պարագային. մասնակիցները պէտք է ըլլան  12-18 տարեկան:  Մասնակցութեան դիմումները արդէն իսկ սկսած  են  ներկայացնել Մարտ մէկէն»,-այսօր լրագրողներու հետ հանդիպման ժամանակ ըսաւ Հայաստանի պատանի ընթերցասէրներու միաւորման նախագահ Մանուկ Նիգոյեանը:

Նիգոյեանի հաւաստմամբ դիմումները կը ստանան դպրոցներէն եւ բարձրագոյն ուումնական հաստատութիւններէն: «Յայտնի է նաեւ ժիւրիի կազմը, չնայած կարգ մը փոփոխութիւններ ալ կրնան  ըլլալ: Ժիւրիի կազմին մէջ ընդգրկուած  են Աբգար Ափինեանը, Արքմենիկ Նիկողոսեանը, Ռազմիկ Դավոյեանը, Ժաննա Յովհաննիսեանը եւ ուրիշներք»,-նշեց Մանուկ Նիգոյեանը:

Երիտասարդները յուզող խնդիրներէն  մէկը սրահն է:«Գ. Սունդուկեանի անուան  ազգային  ակադեմիական թատրոնի տնօրէն Ս.Դաւթեանին դիմած  ենք՝ դահլիճը տրամադրելու համար, իսկ ան  ըսաւ, թէ բան ու գործ չունիք բանաստեղծութեա՞մբ կը  զբաղիք»:

Ինչ կը վերաբերի նմանատիպ միջոցառումներուն ու անոնց նկատմամբ հետաքրքրութեանը՝ Մանուկ Նիգոյեանը շեշտեց, որ հետաքրքրութիւն կայ, սակայն  նիւթական աջակցութիւն  չի ցուցաբերուիր:

Իսկ, թէ ինչ անակնկալ կը սպասէ փառատօնի մասնակիցներուն՝ Նիգոյեանը  նախընտրեց    լուռ մնալ:

Անի Կարապետեան

LEAVE A REPLY

Please enter your comment!
Please enter your name here