ՌԱՖՖԻ ՅՈՎՀԱՆՆԷՍԵԱՆ ՀԱՑԱԴՈՒԼԻ ՍԿՍԱՒ

0
125

Ազատութիւն Հրապարակի վրայ «Ժառանգութիւն» կուսակցութեան  ղեկավար   Ռաֆֆի Յովհաննէսեանի հրաւիրած  հերթական հանրահաւաքը  աւարտեցաւ իր  ելոյթով:   Յովհաննէսեան յորդորեց օրերս   Բրիտանիա  մեկնած Ամենայն  Հայոց Կաթողիկոսը՝ աղօթելու   իրեն համար, այնպէս ինչպէս  ինքը՝  հայրապետին: «Աստուած  բոլորին  տայ սէր, այնպէս,   մարդկութիւն եւ   իմաստութիւն, մինչ սիրոյ , տղամարդկութեան, իմաստութեան պահը ես կը յայտարարեմ, ոչ թէ  իմ հացադուլը, այլ  իմ  կեղծիքադուլը, վախադուլը եւ  քանի  տակաւին պարոն Սարգսեանը ինքնաբացարկ  չէ կատարած   հայրենիքի, իմ  թոռնիկներու եւ  երեխաներու համար,  ես պիտի մնամ Ազատութեան հրապարակին մէջ».  ըսաւ  Յովհաննէսեան:

Յովհաննէսեան յայտնեց, թէ առաջարկած է տարբեր  լուծումներ, սակայն  բոլորին համար ալ ստացած է  ոչ պատասխան:  Ուստի յայտարարեց, որ ինք այլեւս ըսելիք չունի,
թէեւ Բաղրամեան 26-ը ,  քաղաքապետարանը կը պատկանին  ժողովուրդին: « Եթէ  9 Ապրիլին, պարոն Սարգսեանը կեղծ երդում տայ  սուրբ Աստուածաշունչին վրայ,  եթէ Վեհափառ   հայրապետը, որ   պարբերաբար մարդոց  կը հանգստացնէ, պղծէ Աստուծաշունչը,  օրհնելով  ժողովուրդին  հակասող, ծաղրող  թեկնածուին,  սա իրենք կ’ընեն  իմ դիակի վրայ:  Ես   մինչ  31  Մարտը եւ անկէ ետք մինչեւ  9 Ապրիլ, կ’աղօթեմ իրեց համար, ես  այս  տարի հաւանաբար  Սուրբ Զատիկի  պատարագին  չհասնիմ:   Մէկ խնդրանք ունիմ, աղօթքէն բացի, որ Վեհափառ  հայրապետը    երբեք սուրբ տաճարին մէջ չխմէ նախագահին կենացը: Մի  խմէք  իմ կենացը, եկեղեցին անջատ է պետութենէն եւ ոչ՝   իշխանութեան  գործիքը» ըսաւ  Ռաֆֆի Յովհաննէսեան:

 

LEAVE A REPLY

Please enter your comment!
Please enter your name here