ԸՆՏՐԱԿԱՆ ԽԱՌՆ ՕՐԻՆԱԳԻԾԻ ՇՈՒՐՋ ՆՈՐ ՏՈՒԵԱԼՆԵՐ

0
147

Խորհրդարանի նախագահ Նեպիհ Պըրիի իր այցելուներուն  յայտնեց, թէ  տակաւին   երեքուկէս ամիս ժամանակամիջոց  կայ  ընտրական նոր  օրինագիծի մը  շուրջ   համաձայնութիւն գոյացնելու:   Պըրրի   ողջունեց   1960-ի ընտրական  օրինագիծին   շուրջ հանրապետութեան նախագահին   կեցուածքը:  Ան ըսաւ, թէ պատրաստ է   Ուղղափառ Հանդիպումի օրինագիծին  փոխարէն   խառն  օրինագիծ  մը   ընդունելու, այնքան  ժամանակ,որ քաղաքական խմբաւորումներուն միջեւ  համախոհութիւն կը տիրէ անոր շուրջ:

  Ընտրական   օրինագիծերուն  վերաբերեալ,   Լիբանանեան Ուժեր կուսակցութեան  փոխնախագահ, երեսփոխան  Ժորժ Ատուան եւ  Ընկերվար Յառաջդիմական Կուսակցութեան   ղեկավար  Ուալիտ Ճոմպլաթ կ’ուսումնասիրեն   խառն  օրինագիծ մը  յառաջացնելու կարելիութիւնը: Ըստ նոր  օրինագիծին,   68 երեսփոխաններ պիտի  ընտրուին    մեծամասնական դրութեամբ, իսկ   60  երեսփոխաններ՝  համամասնական:

 Ընկերվար   Յառաջդիմական Կուսակցութեան պետ Ուալիտ Ճոմպլաթ հաստատեց  Ատուանի  յայտարարութիւնը, աւելցնելով, որ  խառն օրինագիծը պիտի   յստականայ յառաջիկայ  24  ժամերուն ընթացքին:  Իր կարգին  Մուսթաքպալ Հոսանքի անդամ, երեսփոխան  Սամիր Ճըսր  բացառեց խառն   օրինագիծին շուրջ   համաձայնութիւն գոյանալու պարագային,  խորհրդարանի ընտրութիւնները   յետաձգելու մասին տեղեկութիւնները: Ճըսր յայտնեց, թէ  Մուսթաքպալ Հոսանքը, Մարտ 14-ի ուժերը եւ  Ուալիտ Ճոմպլաթ մնայուն խորհրդակցութիւններ  կ’ունենան  խառն  օրինագիծին  վերաբերեալ: Ճըսր  նշեց, թէ Ճոմպլաթ  իր քայլերը  կը  համադրէ  Պըրրիի հետ:

LEAVE A REPLY

Please enter your comment!
Please enter your name here