ՍՈՒՐԻՈՅ ՌԱՔԱ ՔԱՂԱՔԻ ՀԱՅՈՒԹԻՒՆԸ ՀԵՌԱՑԱԾ Է ԴԷՊԻ ՀԱԼԷՊ ԵՒ ԱՅԼՈՒՐ

0
135

  Թուրքիոյ սահմանակից Ռաքա քաղաքին մէջ, ուր շուրջ մէկ շաբաթ առաջ հսկողութիւն  հաստատած են ընդդիմադիրները, բախումները չեն դադրիր, կը շարունակուին նաեւ օդային ռմբակոծութիւնները:  Այս մասին կը  հաղորդէ  «Արմենփրէս»:   
«Արմենփրէս» կը հաղորդէ, թէ  Ռաքայի մէջ գտնուող հայերու մեծամասնութիւնը հեռացած է այնտեղէն դէպի Լաթաքիա, Գամիշլի եւ Հալէպ: Այդ քաղաքներուն մէջ շտապ օգնութեան մարմինները հնարաւոր ամէն ինչ կը ձեռնարկեն տեղահան եղած հայերուն օգնելու համար: Առ այժմ տեղեկութիւններ չկան  Ռաքայի մէջ սպաննուած կամ վիրաւորուած հայերու  մասին:

Ինչ կը վերաբերի Հալէպի մէջ տիրող իրավիճակին, ապա կացութիւնը  համեմատաբար հանդարտ է: Ելեկտրականութիւնը քաղաքին մէջ կը  բաշխուի ընդհատումներով , որոշ թաղամասերու մէջ այն աւելի երկար կ’ունենան,  իսկ թաղամասեր կան, ուր օրուան ընթացքին հազիւ մէկ-երկու ժամ  կը ստանան:

LEAVE A REPLY

Please enter your comment!
Please enter your name here