1666թ. այս օրը հրատարակիչ Ոսկան Երեւանցին Ամսթերտամի մէջ սկսաւ Աստուածաշունչը հայերէն տպագրել

0
200

1666թ. այս օրը Ամսթերտամի մէջ անուանի տպագրիչ եւ հրատարակիչ Ոսկան Երեւանցին իր աշակերտներուն հետ Աստուածաշունչը սկսաւ հայերէն տպագրել, որուն առաջին ամբողջական հրատարակութիւնը տեւեց աւելի քան երկու  տարի:

 Անոր տպագրած հայերէն Աստուածաշունչը ընդունուած է  իբրեւ  հայ հին տպագրութեան լաւագոյն նմոյշներէն մէկը: 

Մշակութային գործիչ, լեզուաբան Ոսկան Երեւանցին (նաեւ` Ոսկան Ջուղայեցի) ծնած է 1614թ. Նոր Ջուղա (Սպահան): Մահացած է  4 . փետրուար 1674-ին, Ֆրանսայի Մարսէյ  քաղաքին մէջ: 

Մինչեւ 1669թ. լոյս ընծայած է Մովսէս Խորենացիի «Աշխարհացոյց»-ը, Առաքել Դաւրիժեցիի «Գիրք պատմութեան», Վարդան Այգեկցիի առակները եւ այլն:

Ոսկան Երեւանցին տպագրական գործունէութիւն  ծաւալած է նաեւ Լիւորնոյի եւ Մարսէյի  մէջ:

 

LEAVE A REPLY

Please enter your comment!
Please enter your name here