ԵՐԵՒԱՆԻ ՔԱՂԱՔԱՊԵՏԱՐԱՆԻ ԸՆՏՐՈՒԹՒԻՆՆԵՐՈՒՆ ԹԵԿՆԱԾՈՒԹԵԱՆ ԱՌԱՋԱԴՐՈՒՄԸ ՍԿՍԱՒ

0
106

Արդէն իսկ ճշդուած է Երեւանի աւագանիի 2013-ի ընտրութիւններուն մասնակցիլ փափաքողներուն թեկնածութեան առաջադրման ժամկէտը։ Արդարեւ, քաղաքական ուժերը իրենց ընտրական ցանկերու արձանագրութեան համար անհրաժեշտ փաստաթուղթերը պէտք է ներկայացնեն 11 Մարտէն 21 Մարտ։
Կեդրոնական Ընտրական Յանձնաժողովի պաշտօնական կայքէջին համաձայն, ընտրական ցանկերու արձանագրութիւնը պիտի կատարուի 21-31 Մարտ, նախընտրական քարոզչութիւնը պիտի կատարուի 7 Ապրիլէն մինչեւ 3 Մայիս:
Հայաստանի Հանրապետական կուսակցութիւնը յայտարարած է, որ իրենց ցանկը պիտի գլխաւորէ գործող քաղաքապետ Տարօն Մարգարեանը, Օրինաց երկիր կուսակցութիւնը որոշած է Երեւանիի աւագանիի ընտրութիւններուն մասնակցիլ ցանկով մը, զոր կը գլխաւորէ Արտակարգ իրավիճակներու նախարար Արմէն Երիցեանը:
Խորհրդարանական կուսակցութիւններէն Հայ Յեղափոխական Դաշնակցութիւնը եւ Ժառանգութիւն կուսակցութիւնը մասնակցելու հարցը տակաւին չեն քննարկած: Բարգաւաճ Հայաստան կուսակցութեան  ցանկը պիտի գլխաւորէ Վարդան Օսկանեանը:

LEAVE A REPLY

Please enter your comment!
Please enter your name here