ՀՀ Սփիւռքի նախարար Հրանոյշ Յակոբեանի հանդիպումը Հայաստանի բուհերէն ներս սուրիահայ ուսանողներու խորհուրդի անդամներուն հետ

0
120

 ՀՀ Սփիւռքի նախարար Հրանոյշ Յակոբեան հանդիպում ունեցաւ Հայաստանի բուհերէն ներս  սուրիահայ ուսանողներու խորհուրդի անդամներուն հետ, ողջունեց տարբեր բուհերու սուրիահայ ուսանողական խորհուրդներու ստեղծումը:

Ծանօթանալով ուսանողներու խնդիրներուն, նախարարը խորհուրդի անդամներուն առաջարկեց բացայայտել սուրիահայ ուսանողներու խնդիրները եւ ներկայացնել ՀՀ սփիւռքի նախարարութիւն, որպէսզի հնարաւոր ըլլայ առաւել արդիւնաւէտ կերպով զբաղիլ անոնց լուծմամբ: 

ՀՀ Սփիւռքի նախարարը յայտնեց նաեւ, որ Մասիսի, Աշտարակի եւ Վաղարշապատի քաղաքապետերու հետ ձեռք բերուած է նախնական համաձայնութիւն այդ քաղաքներուն մէջ սուրիահայերու համար թաղամասերու կառուցման վերաբերեալ: Այս պահին կը քննարկուին ֆինանսական միջոցներ գտնելու խնդիրը: Յայտնի են առաջին հովանաւորները: Նոր բնակարաններու կառուցման ծախսերուն մէկ մասը պիտի հոգան  սուրիահայ շահառուները:

Գերատեսչութեան ղեկավարը ներկայացուց ՀՀ Սփիւռքի նախարարութեան յառաջիկայ  ծրագիրներն ու միջոցառումները, սուրիահայ ուսանողական խորհուրդներուն կոչ ըրաւ առաւել աշխուժ մասնակցիլ  այդ ծրագիրներու իրականացմանը:

 

LEAVE A REPLY

Please enter your comment!
Please enter your name here