ՄԻՔԱԹԻ ԿԸ ՇԵՇՏԷ ՇՐՋԱՆԱՅԻՆ ԶԱՐԳԱՑՈՒՄՆԵՐՈՒ ՀԱՆԴԷՊ ՉԷԶՈՔՈՒԹԻՒՆ ՊԱՀՊԱՆԵԼՈՒ ԱՆՀՐԱԺԵՇՏՈՒԹԻՒՆԸ

0
98

Լիբանանեան  կառավարութիւնը վարչապետ Նեժիպ Միքաթիի  գլխաւորութեամբ,  վարչապետարանին մէջ երէկ առաւօտեան գումարեց ընթացիկ  նիստ մը: Նիստի նախօրէին, լրատուական աղբիւրներ կ’ակնարկէին  կառավարութեան անդամներուն միջեւ լարուածութեան առկայութիւնը՝  տարբեր   թղթածրարներու շուրջ  ստեղծուած հակասութիւններուն պատճառով: Սակայն,  լրատուական աղբիւրներուն գրաւը  սխալ դուրս եկաւ:  Կառավարութեան  նիստը  ընթացաւ  հանդարտ  մթնոլորտի մէջ:  

Նիստի  սկիզբը, վարչապետ Նեժիպ Միքաթի  յայտնեց,  թէ  Լիբանան կը բոլորէ  բաւական  նուրբ  հանգրուան մը: Ան  դիտել տուաւ, որ  կառավարութիւնը կառչած պիտի մնայ շրջանային զարգացումներու հանդէպ  չէզոքութիւն պահպանելու իր ընտրանքին վրայ:  Միքաթի   ընդգծեց    համախոհական ընտրական  օրինագիծ մը  մշակելու անհրաժեշտութիւնը:  Ան մերժեց Ուղղափառ Հանդիպումէն  բխած օրինագիծը, նշելով, որ  խնդրոյ առարկայ օրինագիծը անյարիր  է  Թայէֆի համաձայնագիրի ոգիին:  Միքաթի   քաղաքական կողմերուն դիմեց՝ յարգելու  Պաապտայի յայտարարութիւնը: Վարչապետը  միաժամանակ    հերքեց նոր կառավարութեան մը կազմութեան մասին շրջող  տեղեկութիւնները, նշելով, որ  գործող կառավարութիւնը իր վարած քաղաքականութեան  շնորհիւ,   յաջողած էր   շրջանային հակամարտութիւններէն հեռու պահել Լիբանանը: Կառավարութիւնը  չքննարկեց  աշխատավարձերու յաւելման թղթածրարը: Կառավարութիւնը որոշեց  նուազուրդ յայտարարել Տէր Էլ Ահմարի  գործարանին համար եւ  վերատեսութեան  ենթարկեց  վառելանիւթերու  սակացոյցը: Այս հիման վրայ,  կ’ըսուի, թէ   պենզինին  թիթեղը  600 լիբանանեան ոսկիի նուազում

LEAVE A REPLY

Please enter your comment!
Please enter your name here