ՄԱՐԶԱԿԱՆ ԿԱՐՃ ԼՈՒՐԵՐ

0
108

–      Պրազիլիական Սանթոս ակումբը  նոր պայմանագիր մը առաջարկեց  հաւաքականի յարձակող  Նէյմարին:  Յիշեցնենք, որ   21-ամեայ պրազիլիացիին ծառայութիւններով   հետաքրքրուած են  Պարչելոնան,  Ռէալը եւ Մանչեսթըր Սիթին:

 –         Ռէալ Մատրիտի   յարձակող Քրիսթիանօ Ռոնալտօ  յայտարարեց, թէ «արքայական Խումբին» համար  շատ դժուար պիտի  ըլլայ   շահիլ «Չեմփիընզ Լիկ» ի  բաժակը:  Ան  ըսաւ, թէ  անհրաժեշտ  է  պահել խումբին  վերագտած ինքնավստահութիւնը:

–          Սուանսի Սիթի  խումբի մարզիչ Մայքըլ Լաուտրուփ Փրըմիյէրշիփի մարզիչներու կողմէ ընտրուեցաւ  Անգլիոյ լաւագոյն  մարզիչը: Փրըմիյէրշիփի լաւագոյն երիտասարդ  ֆութպոլիստ   ընտրուեցաւ Լիվըրփուլի  կիսապաշտպան Ռահիմ Սթերլինկը: Տարուան լաւագոյն  «թրենսֆըր»ը նկատուեցաւ  սպանացի  յարձակող Միչույի  Սուանսի խումբին փոխանցումը:

–          Քաթարի  թագաւորական ընտանիքը մօտ օրէն  պիտի ներկայացնէ «Տրիմ  Ֆութպոլ Լիկ» անուանումը կրող նոր մրցաշարի մը նախագիծը:  Մրցաշարը  նախատեսուած է իւրաքանչիւր երկու տարին անգամ մը,  Քաթարի եւ Պարսից Ծոցի   երկիրներէն  մէկուն հիւրընկալութեամբ:  Մրցաշարին պիտի մասնակցին  աշխարհի տարբեր երկիրներու  24 առաջատար ակումբներ:

–         Պարչելոնայի  գլխաւոր մարզիչ  Թիթօ  Վիլանովա  25 Մարտին պիտի  վերադառնայ  գաթալոնական ակումբ : 43-ամեայ  Վիլանովա յետ վիրահատութեան բուժման կը հետեւի  Նիւ Եորքի  մէջ:

Արսենալի երիտասարդ միջնապահ   Ճէք Ուիլշայր  վնասուածքի հետեւանքով երեք շաբաթ պիտի  բացակայի դաշտերէն:

LEAVE A REPLY

Please enter your comment!
Please enter your name here