ՆԱԽԱԳԱՀ ՍԸԼԷՅՄԱՆ Կ’ԵՐԱՇԽԱՒՈՐԷ ԱՐՏԵՐԿՐԻ ԼԻԲԱՆԱՆՑԻՆԵՐՈՒՆ ՔՈՒԷԱՐԿԵԼՈՒ ԻՐԱՒՈՒՆՔԸ

0
127

 Հանրապետութեան  նախագահ Միշէլ Սըլէյման, Տաքարի մէջ լիբանանեան  համայնքի  ներկայացուցիչներուն առջեւ խօսք առնելով, իր  մտավախութիւնը արտայայտեց  Լիբանանի մէջ  համայնքային  բաժանումները խորացնող   ընտրական  օրինագիծի մը  հաստատումէն, որ արտերկրի քուէարկողներուն  պիտի  ղրկէ  յարանուանական սնտուկներ:  Նախագահ Սըլէյման դիտել տուաւ, որ  ոմանց եսասիրութեան եւ արտայայտած մտքերը անպայման իբրեւ  մեկնակէտ  պարտադրելու  մէջ կը կայանայ Լիբանանի տագնապը:  Սըլէյման մաղթեց  մշակել  ընտրական այնպիսի օրինագիծ, որ երաշխաւորէ արտերկրի լիբանանցիներուն   քուէարկելու իրաւունքը: 

Ափրիկեան  շրջագայութեան  ծիրին մէջ, նախագահ Միշէլ Սըլէյման կարճ եւ անակնկալ այցելութիւն մը տուաւ Ալճերիա եւ հանդիպում մը ունեցաւ իր պաշտօնակիցին  Ապտէլ Ազիզ  Պութոֆլիքայի հետ :  Զոյգ նախագահները  շեշտեցին երկու  երկիրներուն միջեւ   գոյութիւն ունեցող սերտ փոխյարաբերութիւնները:  Նախագահ Սըլէյման անգամ մը եւս  շեշտեց շրջանային    զարգացումներուն  վերաբերեալ   չէզոքութիւն պահպանելու  Լիբանանի  ընտրանքը: Ան  մաղթեց  երկխօսութեան  ճանապարհով լուծել Սուրիոյ հակամարտութիւնը:

LEAVE A REPLY

Please enter your comment!
Please enter your name here