ՍՊԻՏԱԿ ԾՈՒԽ ՍԻՍԹԻՆ ՄԱՏՈՒՌԷՆ՝ ԿԱԹՈՂԻԿԷ ԵԿԵՂԵՑԻՆ ԸՆՏՐԵՑ ՆՈՐ ՊԱՊԸ –ՖՐԱՆՍԻՍ ՊԱՊԸ ԴԱՐՁԱՒ ԱՄԵՐԻԿԵԱՆ ՑԱՄԱՔԱՄԱՍԵՐԷՆ ԱՌԱՋԻՆ ՔԱՀՆԱՅԱՊԵՏԸ

0
159

 Չորեքշաբթի   երեկոյեան  Կաթողիկէ  եկեղեցին ընտրեց իր  266-րդ Պապը: Նշենք, թէ նոր Պապի   ընտրութիւնը սկսաւ  Երեքշաբթի  երեկոյեան,  Պէյրութի ժամանակացոյցով ՝  17.30-ին, ուր   115   գարտինալներ  մուտք գործեցին Վատիկանի Սիսթինեան մատուռի  փակարան:   Նորընտիր Պապը  պայման է, որ ստանայ  մասնակիցներուն  երկու երրորդին   քուէները:  Սկզբունքով,   նախատեսուած էր, որ այսօր Չորեքշաբթի  տեղի ունենար   չորս ընտրութիւն: Երկուքը առաւօտեան, երկրուքը  կէսօրէ ետք: Պապին  ընտրութիւնը կատարուեցաւ այսօրուան  չորրորդ նիստին:

 Բարձրացող  ծուխին  գոյնին շուրջ   որոշ  շփոթ մը կը  տիրէր  Սուրբ Պետրոսի   հրապարակը    հաւաքուած   հազարաւոր հաւատացեալներուն մօտ, սակայն  երբ   եկեղեցիներուն    զանգակները սկսան  ղօղանջել,  ամփոխը  ուրախութեան   բացագանչութիւններով  արտայայտեց  իր  հրճուանքը:  Նորընտիր Պապը  սկզբունքով կ’ուղղուի  Արցունքի Սենեակը, , իր  հագուստը  փոխելու, մինչ այդ  մնացեալ գարտինալները կը պատրաստուին  Սուրբ Պետրոսի հրապարակը նայող պատշգամէն ներկայացնելու Նոր Պապը:

Աւանդութեան համաձայն ամենաերէց գարտինալը՝  Ժան Լւոի Թորան դուրս եկաւ պատշգամէն  եւ  լատիներէնով աւետեց.«  Հափեմուս Պապամ», այսինքն՝  Նոր Պապ ունեցանք:  Ան  յայտարարեց,  նորընտիր Պապին անունը, ըսելով, թէ   Արժանթինի   Խորխէ   Պերկոլիօ  գարտինալը  ընտրուած էր   Կաթողիկէ  եկեղեցւոյ    Քահնայապետ: Նորընտիր  Պապը պիտի  կրէ  Ֆրանսիս Պապ անունը:   76-ամեայ նորընտիր   Պապը  ծնած է  Պուենոս Այրէս : Ան դարձաւ  Հարաւային Ամերիկայէն  եւ ընդհանրապէս ամերիկեան  ցամաքամասերէն ընտրուած առաջին Պապը, ինչպէս նաեւ  հազարամեակէ մը ի վեր  ոչ եւրոպացի առաջին Պապը: Կ’արժէ  նշել, որ եւրոպական ցամաքամասէն  դուրս   ընտրուած վերջին Պապը եղած է Սուրիոյ  Կրեկորի Երրորդ Պապը՝  1300 տարի առաջ:  Ֆրանսիս Պապը  արքեպիսկոպոս   ձեռնադրուելէ  առաջ, Պուենոս Այրէսի մէջ    զբաղած  է  ուսուցչութեամբ: Մասնագիտութեամբ     քիմիագէտ է: 2001-ին  ձեռնադրուած է  գարտինալ: Փոքր տարիքէն կորսնցուցած է  թոքերէն  մին:   Ֆրանսիս  Պապը   ծանօթ է իբրեւ քթասիրտ  անձնաւորութիւն մը : Ան կտրականապէս   դէմ է  միասեռ ամուսնութիւններուն:

Նշենք՛ թէ  85-ամեայ  Պենետիքթոս 16-րդ  Պապը,  11 Փետրուարին   հրաժարեցաւ: Ան դարձաւ  վերջին 600 տարիներու  հրաժական ներկայացնող առաջին Պապը: 

Նոր Պապին  պաշտօնական   ձեռնադրութիւնը  տեղի պիտի  ունենայ  յաժաջիկայ   շաբթուան  ընթացքին:

LEAVE A REPLY

Please enter your comment!
Please enter your name here