ԼԱՒՐՈՎ ՄԻՋԱԶԳԱՅԻՆ ՕՐԷՆՔՆԵՐՈՒ ԽԱԽՏՈՒՄ ԿԸ ՆԿԱՏԷ ՍՈՒՐԻՈՅ ԸՆԴԴԻՄՈՒԹԵԱՆ ԶԻՆՈՒՄԸ

0
101

Բրիտանիա այցելող Ռուսիոյ արտաքին գործոց նախարար Սերկէյ Լաւրով յայտարարեց, թէ Սուրիոյ ընդդիմութիւնը զինելը խախտում մըն է միջազգային տարրական օրէնքներու՝ հակադարձելով Բրիտանիոյ եւ շարք մը այլ պետութեանց կողմէ կատարուած այն յայտարարութեանց, թէ պէտք է ընդդիմութիւնը զինել:
Բրիտանիոյ կառավարութեան ընդդիմադիր Աշխատաւորական կուսակցութիւնը եւս ազդարարեց, թէ ընդդիմութիւնը զինելու քայլը կացութիւնը աւելի պիտի վատթարացնէ, իսկ բրիտանական «Կարտիըն» թերթը գրեց, թէ սուրիացի ըմբոստներուն աջակցութեան տրամադրումը Սուրիոյ մէջ աղիտալի քաղաքացիական պատերազմի մը պիտի առաջնորդէ:
Միւս կողմէ, Եւրոպական Միութեան աղբիւրները հաղորդեցին, թէ Դամասկոսի արուարձաններուն մէջ տեղի ունեցած ռմբակոծումին պատճառով՝ իր ներկայացուցիչներէն դիւանագէտ մը զոհուած է Մարտ 13-ին, մինչ «Ալմայատին»ը հաղորդեց, որ կեդրոնական Դամասկոսի Ֆահամա թաղամասին մէջ ռումբեր պայթած են՝ վիրաւորներ պատճառելով:
Նաեւ, Ռուսիոյ արտակարգ դրութեանց նախարարութիւնը Մարտ 13-ին հաղորդեց, որ Սուրիոյ մէջ բնակող Ռուսիոյ եւ ԱՊՀ երկիրներու 103 քաղաքացիներ Լաթաքիոյ օդակայանին ճամբով Մոսկուա փոխադրուած են:

LEAVE A REPLY

Please enter your comment!
Please enter your name here