ՃԵՄԱԼ ՓԱՇԱՅԻ ԹՈՌԸ ՊԱՇՏՕՆԷՆ ՀԵՌԱՑՈՒԵՑԱՒ՝ ՑԵՂԱՍՊԱՆՈՒԹԵԱՆ ՄԱՍԻՆ ԳՐԱԾ ԸԼԼԱԼՈՒ ՊԱՏՃԱՌՈՎ

0
126

Այլոց  ժողովրդավարութիւն եւ ազատութիւն քարոզող վարչապետ Ռեճէպ Թայիփ Էրտողանի առաջնորդութեամբ, Թուրքիոյ մէջ կը շարունակուին մամուլի աշխատակիցներու  վրայ ճնշումները: Էրտողանի ճնշումներուն նորագոյն զոհը հանդիսացաւ «Միլլիյէթ»ի յայտնի լրագրող ու Ճեմալ փաշայի թոռնիկը՝ Հասան Ճեմալը, որ Հայկական Ցեղասպանութեան մասին գիրք մը գրելուն համար մեծ աղմուկ յառաջացուցած էր Թուրքիոյ մէջ:
Թրքական «Թարաֆ» թերթին համաձայն՝ Էրտողան խիստ զգուշացում կատարած է «Միլլիյէթ»ի սեփականատիրոջ, որ իր գլխաւոր խմբագիրէն պահանջած է պաշտօնազրկել Հասան Ճեմալը: Աւելի ուշ յայտարարութիւն տարածուեցաւ, թէ Հասան Ճեմալ ժամանակաւորապէս կը հեռացուի իր պաշտօնէն: Սակայն, նմանատիպ գրեթէ բոլոր դէպքերուն «ժամանակաւորը», սովորաբար, տեւականի կը վերածուի:
Ցեղասպանութեան իրողութիւնը ճանչցող Հասան Ճեմալը 2008-ին Ծիծեռնակաբերդ այցելած էր ու Ցեղասպանութեան համար ներողութիւն խնդրած էր հայութենէն:
Հասան Ճեմալ իր «1915. Հայկական Ցեղասպանութիւն» գիրքը նուիրած էր Հրանդ Տինքի յիշատակին:

 

LEAVE A REPLY

Please enter your comment!
Please enter your name here