ՈՉ ԵՒՍ Է ԱՐԱՄԱՅԻՍ ՍԱՀԱԿԵԱՆ

0
105

 Այսօր   առաւօտեան, Երեւանի մէջ  մահացաւ բանաստեղծ, գրող,  երգիծաբան Արամայիս Սահակեանը: Ան  77 տարեկան էր:  Վերջին օրերուն Սահակեան  փոխադրուած էր  հիւանդանոց:

Արամայիս Սահակեան  ծնած է   Արծուաշէն գիւղին մէջ,  24  Մայիս 1936-ին:  Ան աւարտած է  Խաչատուր Աբովեանի անուան  պետական մանկավարժական ինստիտուտի պատմալեզուական  բաժինը:  Մասնակցած է  Մոսկուայի  Մաքսիմ Կորքիի  անուան գրականութեան  ինստիտուտի  գրական  բաժնի  դասընթացներուն: Աշխատած է  «Ավանկարտ» թերթին մէջ  (1960-65),  «Գարուն» ամսագրին մէջ (1967-1970): 1982-էն վարած է  «Ոզնի»   երգիծական հանդէսի գլխաւոր խմբագիրի պաշտօնը: Անոր գրական ստեղծագործութիւններէն  կը յիշատակուի «Աստղիկները»,  «Սիրոյ Հասակ», «Մենք Միասին Ենք»,  «Երջանիկ  Եղէք»,« Ես Սիրում եմ Ձեզ», «Ապրել եւ սիրել»: Այս վերջին գիրքին համար ստացած  է  մրցանակ:

Արամայիս Սահակեան դարձած է    համամիութենական  երաժշտական  մրցոյթի դափնեկիր: Անոր բանաստեղծութիւնները  թարգմանուած են աւելի քան  երեսուն  լեզուներու:  Շրջան մը  ընտրուած է իբրեւ  Ազգային Ժողովի պատգամաւոր:

2003-ին,  «Ծիծաղի Տուն»   հաղորդաշարի համար արժանացած է  «Մովսէս Խորենացի» մրցանակին: 1998-ին, Պէյրութի մէջ անոր  շնորհուած է  «Սուրբ Մեսրոպ Մաշտոց» յուշամետալը: Արժանացած է նաեւ  տարբեր  մրցանակներու:

LEAVE A REPLY

Please enter your comment!
Please enter your name here