ՉԵՄՓԻԸՆԶ ԼԻԿ – ՊԱՅԵՐՆ ՄԻՒՆԻԽ ԵՒ ՄԱԼԱԿԱ ԱՄԲՈՂՋԱՑՈՒՑԻՆ ՔԱՌՈՐԴ ԱՒԱՐՏԱԿԱՆ ՀԱՍՆՈՂ ԽՈՒՄԲԵՐՈՒ ՈՒԹՆԵԱԿԸ

0
130

 Եւրոպայի Ախոյեան  Երկիրներու Ախոյեանութեան «Չեմփիընզ Լիկ»  բաժակի 1/8-րդ հանգրուանի  դարձի մրցումներուն,  Լոնտոնի Արսենալը   2-0 արդիւնքով  պարտութեան մատնեց  Պայերն Միւնիխը, վերջինիս՝ Ալիանզ  Արենա մարզադաշտին մէջ:  Այսուհանդերձ, Արսէն  Ուենկէրի  տղաքը  դուրս մնացին    մրցաշարքէն՝ երթի մրցումին Լոնտոնի մէջ կրած՝  3-1 արդիւնքով պարտութեան պատճառով:  Ժիրու եւ  Քոսէյլինի նշանակեցին «Կանըրզ»ներուն կոլերը:  Արսենալի  մարզիչ Արսէն Ուենկէր   յայտարարեց, թէ իր կազմը շատ մօտ էր  յաղթանակին:

Միեւնոյն բաժակին գծով,  սպանական   Մալակա  խումբը շարունակեց  տպաւորիչ իր ելոյթներուն շարքը եւ  2-0 արդիւնքով առաւելութեան հասաւ  Փորթոյի դէմ:  Իսքօ եւ Քրուս նշանակեցին մարզիչ  Մանուէլ Փելեկրինիի կազմին կոլերը:  Երթի մրցումը  Փորթուգալի մէջ աւարտած էր 1-0  Փորթոյի յաղթանակով:  Մրցումէն ետք,   Իսքօ յայտարարեց, թէ  իրականացած էր   բոլորին երազը:

Այսպիսով   յայտնի դարձան «Չեմփիընզ Լիկ» մրցաշարքի   քառորդ աւարտական հանգրուան  հասնող ութ  խումբերուն անունները.՝   Փարի Սէն Ժերմէն,  Եուվենթուս,  Պորուսիա Տորթմունտ,  Ռէալ Մատրիտ,  Պայերն Միւնիխ,   Մալակա, Կալաթասարայ եւ Պարչելոնա: Յատկանշական է , որ   1996-էն ի վեր, առաջի անգամ ըըլլալով ոչ մէկ անգլիական խումբ կը  հասնի  համանուն  բաժակի  քառորդ աւարտական հանգրուանին:  Քառորդ աւարտականի հանդիպումներուն վիճակաձգութիւնը տեղի պիտի ունենայ վաղը՝ Ուրբաթ: 

ՄԱՐԶԱԿԱՆ ԿԱՐՃ ԼՈՒՐԵՐ

– Պարչելոնա ակումբին մարզական հարցերու տնօրէն Անթոնի Զուպիզարեթա յայտարարեց, թէ ակումբի  ղեկավարութիւնը չի պատրաստուիր նոր մարզիչի մը  կարգադրութեան, որովհետեւ  Թիթօ Վիլանովա երկար ժամանակ   պիտի շարունակէ գլխաւորել Պարչելոնան:

– Ռէալ Մատրիտ արդէն պատրաստ է  ամառնային փոխանցումներու շրջանին որսալու  Նափոլիի  ուրուկուէյցի յարձակող   Էտիսոն Գաւանին:  Փոխանցման սակը կը  գնահատուի  63  միլիոն  եուրօ:

–  Պարչելոնայի յառաջապահ  Լիոնէլ Մեսի  դարձաւ  «Չեմփիընզ Լիկ»  մրցաշարքի պատմութեան  երկրորդ  լաւագոյն   ռմբարկուն:  Մեսի ներկայիս նշանակած է 58 կոլ:  Առաջին դիրքը կը գրաւէ Ռէալ Մատրտի նախկին մարզիկներէն  Ռաուլ Կոնզալէսը՝  71:

– Միլուոլ 1-0 արդիւնքով պարտութեան  մատնեց  Պլեքպըրն Ռովըրզը եւ հասաւ  Անգլիոյ բաժակի  կիսաւարտական հանգրուանին:  Կիսաւարտականին  Միլուոլի մրցակիցը պիտի ըլլայ   Ուիկանը:

– Անգլիոյ բաժակի  քառորդ աւարտական հանգրուանի կրկնուող մրցումներու գծով,  Չելսի – Մանչեսթըր Եունայթըտ  մրցումը  տեղի պիտի ունենայ  Երկուշաբթի, 1 Ապրիլին, Պէյրութի ժամով՝  14.30-ին:   Նշենք, թէ  երկու խումբերուն միջեւ   անցնող Կիրակի օրուան հանդիպումը վերջ գտած  էր՝  2-2 հաւասարութեամբ :

– Ֆրանսայի  ֆութպոլի ախոյեանութեան մրցումներուն գծով, վաղը՝ Ուրբաթ երեկոյեան Պէյրութի ժամով՝   21.30-ին  Օլիմփիք Մարսէյ պիտի  ընդունի Աժասիօն:  Գերմանիոյ ախոյեանութեան գծով,   նոյն ժամուն, Վոլֆսպուրկ պիտի  ընդունի  Ֆորթունա Տիւսելտորֆը:

LEAVE A REPLY

Please enter your comment!
Please enter your name here