ԶԵՆԻԹ ԵՒ ԻՆԹԷՐ ԴՈՒՐՍ ՄՆԱՑԻՆ ԵՈՒՐՈՓԱ ԳԱՓ-ԷՆ

0
135

 Եւրոպական ակումբներու «Եուրոփա Գափ» մրցաշարքի 1/8-րդ հանգրուանի դարձի  մրցումներուն գծով,  Սան Փեթրսպուրկի  Զենիթը սեփական դաշտին  մէջ   միայն  1-0 արիւնքով յաջողեցաւ պարտութեան  մատնել Պալը:  Երթի հանդիպումին, զուիցերիական խումբին դաշտին մէջ   2-0  արդիւնքով պարտուած  ըլլալով, դուրս մնաց  մրցաշարքէն:  Քազանի   Ռուպինը  նուաճեց    քառորդ աւարտական հանգրուանի իր  ուղեգիրը, երբ սեփական  դաշտին  մէջ  2-0 արդիւնքով պարտութեան մատնեց  Լեվանթէն:  Երթի հանդիպումը Սպանիոյ մէջ վերջ գտած էր  0-0 հաւասարութեամբ:

Իտալիոյ  մէջ, Ինթէր  Միլան ընդունեց  Թոթենհամը: Երկու խումբերուն միջեւ երթի մրցումը վերջ գտած էր  անգլական խումին յաղթանակով՝ 3-0:   Սան Սիրօ մարզադաշտին մէջ մրցումի 90 վայրկեաններուն ընթացքին,ո իտալացիները  երեք գնդակ  զետեղեցին  Թոթենհամի բերդին մէջ:  Իրաւարաը դիմեց լրացուցիչ ժամանակի: Այդ միջոցին խումբերը  նշանակեցին մէկական  կոլ: Ճակատումը վերջ գտաւ  իտալացիներու յաղթանակով՝ 4-1, սակայն շնորհիւ մրցակիցի դաշտին մէջ նշանակած կոլին, անգլիական խումբը հասաւ  քառորդ աւարտական հանգրուան:  

 Լոնտոնի Չելսին, Պուքարեսթի մէջ  3-1 արդիւնքով պարտութեան մտնեց տեղւոյն Սթէուան:   Երթի  հանդիպումը Անգլիոյ մէջ  աւարտած էր   ռումանական  խումբին յաղթանակով՝ 1-0: Պորտօ , Լացիօ Ռոմա, Նիուքասլ Եունայըտ  նոյնպէս հասան  քառորդ աւարտական հանգրուան:

ՄԱՐԶԱԿԱՆ ԿԱՐՃ ԼՈՒՐԵՐ

–         Փրըմիյէրշիփի Էվըրթըն խումբի  խմբապետ  Ֆիլ Նեւիլ յայտարարեց, թէ ֆութպոլը լքելէ ետք «քրիքէթ»ի   ասպարէզին մէջ   պիտի  փորձէ իր բախտը:

–         Ինթէր Միլան ակումբի սեփականատէր   Մասիմօ Մորաթի վերջ տուաւ  Ժոզէ Մուրինիոյի իտալական ակումբը  վերադառնալու մասին  տարաձայնութիւններուն,  յայտնելով թէ նման  քայլ մը  անհնար է:

–          Պելառուս՝ Վիքթորիա Ազարենքա եւ աւստրալուհի Սամանթա Սթոսըր  վնասուացքի  հետեւանքով կիսատ  լքեցին Միացեալ Նահանգներու թենիսի  Ինտիան Ուելս միջազգային  մրցաշարքը:

–         Սպանացի Ռաֆայէլ Նատալ հասաւ  թենիսի  Ինտիան Ուելս  միջազգային մրցաշարքի  կիսաւարտական հանգրուանը: Քառորդ աւարտականի մրցումներուն, Նատալ՝ 6-4, 6-2 արդիւնքով պարտութեան մատնեց   Ռոժէ Ֆետերէրը:

–         Լոնտոնի մէջ սկսաւ ճատրակի աշխարհի ախոյեանութեան տիտղոսին  ութ  գլխաւոր յաւակնորդներու մրցաշաքը: Մրցաշարքը կ’աւարտի 1 Ապրիլին:  Յաղթողը պիտի  մրցի աշխարհի այժմու ախոյեան  Վիշուանաթան Անանտի դէմ: Նշենք, թէ  մրցաշարքին կը մասնակցի  Լեւոն Արոնեան:  

–          Ֆութպոլի  համաշխարհային Ֆետերասիոնը՝ ՖԻՖԱ-Ն հրապարակեց   ազգային հաւաքականներու վարկանիշային աղիւսակը:  Ընդհանուր դասաւորումը կը շարունակէ գլխաւորել Մոնտիալի եւ Եւրոպայի ախոյեան Սպանիոյ հաւաքականը: Հայաստանի հաւաքականը  չորս  աստիճան նահանջելով, կը գրաւէ  84-րդ դիդքը:

–          Այս Կիրակի, 17 Մարտին, Աւստրալիոյ Կրան Փրի-ով պիտի  տրուի   Ֆորմիւլա  1 ինքնաշարժերու աշխարհի ախոյեանութեան  ազդանշանը:

LEAVE A REPLY

Please enter your comment!
Please enter your name here