ՀԱՅԱՍՏԱՆԻ ՄԷՋ ԿԸ ՊԱՏՐԱՍՏՈՒԻՆ ՀԻՆ ՋՈՒՂԱՅԻ ՔԱՆԴՈՒԱԾ ԽԱՉՔԱՐԵՐՈՒՆ ԿՐԿՆՕՐԻՆԱԿՆԵՐԸ

0
103

Լրագրողներուն հետ ունեցած հանդիպումին ընթացքին Հայաստանի մշակոյթի վաստակաւոր գործիչ, հայագէտ, նախիջեւանագէտ Արգամ Այվազեան յայտնեց, որ անհատ խաչքարագործներու նախաձեռնութեամբ Հայաստանի մէջ կը պատրաստուին Հին Ջուղայի աւերուած խաչքարերուն կրկնօրինակները։ Ըստ անոր, Հայաստանի մէջ խաչքարագործութիւնը կը զարգանայ, սակայն նոր խաչքարերը ունին բոլորովին այլ զարդանախշեր, եւ պահպանուած չեն նախապէս եղած ձեւերը: «Խաչքարային արուեստը լաւ ուսումնասիրուած չէ, եւ քիչ են գիտական աշխատութիւններն այդ թեմայով: Ուսումնասիրուած զարդանախշերով այսօր քանդակագործները կրկնօրինակում են Ջուղայի խաչքարերը», նշեց Այվազեանը: Արդէն պատրաստուած է 30-40 խաչքարի կրկնօրինակ:
Խաչքարագործ Վարազդատ Համբարձումեան համոզուած է, որ հարկաւոր է ստեղծել խաչքարագործութեան դպրոց եւ դեռահասներուն սորվեցնել աւանդական այս արուեստը: «Ի վերուստ հայ մարդու մէջ կայ սէրը քարի եւ խաչքարագործութեան նկատմամբ: Այժմ հարկաւոր է աւելի խորացնել գիտելիքները խաչքարագործութեան վերաբերեալ», յայտնած է Համբարձումեան: Ան նշեց, որ կան շարք մը խաչքարագործներ, սակայն անոնց թիւը պէտք է բազմանայ:

 

LEAVE A REPLY

Please enter your comment!
Please enter your name here