ԲՈԼՈՐԷՆ ԵՏՔ, ՄՆԱՑ ՈՐ ՄԱՐԱԽՆԵՐՆ ԱԼ ՀԱՐՈՒԱԾԵՆ ԼԻԲԱՆԱՆԸ

0
109

Չէն բաւեր  երկրին  դիմագրաւած  ապահովական,  ընկերային,  ընտրական  փոթորիկները, լրատուական աղբիւրներ  հաղորդեցին, թէ  մարախաներու ալիք մը հասած է Լիբանան:  Նշենք որ Մարախները նախօրօք արշաւած էին Եգիպտոս, ապա՝  Իսրայէլ  եւ  վերջապէս   երէկ՝  յայտնուեցան  Պէյրութի արեւելեան շրջաններուն եւ երկրի հիւսիսային կարգ մը  գիւղերու  մէջ:  Բարեբախտաբար,  մարախներու արշաւը  կարճատեւ  կը խոստանայ ըլլալ,  որովհետեւ ըստ  օդերեւութաբանութեան գրասենեակին եւ նախարարութեան տուեալներուն,  այսօր՝ Կիրակի,  պիտի արձանագրուի կլիմայական աստիճանի նուազում:  Այս մէկը կրնայ  պատճառ դարռնալ,  որ գէթ  մարախները  խնայեն  Լիբանանը…:

Վերադառնալով քաղաաքական առօրեային, վարչապետ   Նեժիպ Միքաթի   լրագրողներուն հետ  հանդիպումի մը ընթացքին յայտնեց, թէ  Լիբանան  դիւանագիտական  ճանապարհներով պիտի պատասխանէ Սուրիոյ արտաքին գործոց  նախարարութեան  նախազգուշացումներուն: Վարչապետը՝ չէզոք դիրք պահելու կոչ ուղղեց լիբանանցիներուն: Միքաթի,վարչապետարանին մէջ ընդունեց  Լիբանանի մօտ Եւրոպական    Միութեան դեսպան   Անժելինա   Էխոհըրսթը եւ անոր հետ   քննարկեց սուրիացի  գաղթականներուն   օգնութիւն ցուցաբերելու    կարելիութիւնները:  Վարչապետը նաեւ ընդունեց աշխատանքի նախարար  Շեքիպ Ղըրթպաուին եւ անոր հետ  քննարկեց  Ապրիլի ամսուան ընթացքին, Պէյրութի մէջ նախատեսուած ՝  փտածութեան  դէմ պայքարելու  միջարաբական խորհրդաժողովին կազմակերպչական աշխատանքները:

Խորհրդարանի նախագահ եւ վարչապետ  Նեժիպ Միքաթի   այսօր   երեկոյեան  պիտի  մեկնին  Հռոմ,  շնորհաւորելու Ֆրանսիս  Ա. Պապը՝ իր  ընտրութեան  առիթով եւ  ներկայ գտնուելու անոր   ձեռնադրութեան:  Ֆրանսիս Ա. Պապին ձեռնադրութիւնը տեղի պիտի ունենայ    Երեքշաբթի,  19  Մարտին:

Լիբանանեան  Ուժեր Կուսակցոթեան գործադիր խորհուրդի  պետ Սամիր Ժաաժա դարձեալ  արտայայտեց   հիւիսային   Լիբանանի  մէջ ապահովական կացութեան  շուրջ իր  իր մտահոգութիւնը: Ժաաժա  խիստ  քննադատութեան   ենթարկեց     կառավարութիւնը   եւ պահանջեց անոր հրաժարականը:

LEAVE A REPLY

Please enter your comment!
Please enter your name here