ԶԱՍԻՓՔԻՆ՝ ՍՈՒՐԻԱԿԱՆ ՀԱԿԱՄԱՐՏՈՒԹԵԱՆ ԽԱՂԱՂ ԼՈՒԾՈՒՄԷՆ ՏՈՒԺՈՂ ԿՈՂՄԵՐԸ ՄԱԳԼՑՈՒՄ ԿԸ ՊԱՐՏԱԴՐԵՆ ԳԵՏՆԻ ՎՐԱՅ

0
166

Լիբանանի մօտ Ռուսիոյ դեսպան Ալեքսանտր   Զասիփքին  դիտել տոաւ, որ  Ռուսիա եւ  Միացեալ  Նահանգներ  համաձայնութիւն մը գոյացուցած են Սուրիոյ հակամարտութեան առնչութեամբ: Ան շեշտեց հակամարտութիւնը  խաղաղ  ճամբաներով  լուծելու անհրաժեշտութիւնը: Դեսպանը դիտել  տուաւ, որ խաղաղ լուծումէն տուժող կողմերը  մագլցողական  քայլերու կը դիմեն  գետնի վրայ:

 Լիբանանի արտաքին գործոց նախարարութիւնը  հաղորդեց, թէ  անցնող  48 ժամերուն ընթացքին, ահաբեկչական  կազմակերպութիւններու պատկանող զինեալներ  փորձած են  սուրիական  հողերէն ներս  թափանցել  լիբանանէն: Հաղորդագրութիւնը  կ’աւելցնէ, թէ այս պատճառով  Լիբանանի  սահմանամերձ սուրիական գիւղերուն մէջ   բախումներ տեղի կ’ունենան:  Արտաքին գործոց նախարարութեան հաղորդագրութիւնը կը նշէ,  թէ  Սուրիա կ’ակնկալէ, որ   Լիբանան կասեցնէ ահաբեկիչներու մուտք անոր սահմաններէն ներս: Մինչ այդ, սուրիական իշխանութիւնները  սպառնացած են  ռմբակոծել  լիբանանեան հողերու մէջ գտնուող ահաբեկչական կազմակերպութիւններու   կեդրոնները:    

 Լիբանանեան Ուժեր Կուսակցութեան գործադիր խորհուրդի  պետ  Սամիր Ժաաժա պահանջեց  յստակ  որոշում մը առնել՝  բանակը  տարածելու Լիբանան-Սուրիա սահմանագիծի  երկարութեան  վրայ եւ  ընդարձակել  թիւ 1701 բանաձեւի   յանձնառութեան  ծիրը:  Ժաաժա պահանջեց, որ կառավարութիւնը արտակարգ նիստ մը գումարէ այս օրակարգով:

Ապահովական  ծիրին մէջ մնալով    «Հաուաչիքըն»  գործարաններու  տնօրէն    Մարուն Ֆատուլ երէկ  կէսօրին սպաննուած գտնուեցաւ իր  ինքնաշարժին մէջ:   Նախնական տուեալներուվ   Ֆատուլ գործած է  անձնասպանութիւն:

LEAVE A REPLY

Please enter your comment!
Please enter your name here