ՂԱՐԻՊ՝ ՍԵՆՏԻՔԱՆՆԵՐԸ ԿԸ ՄՆԱՆ ԱՆԴՐԴՈՒԵԼԻ

0
118

Սենտիքայական  համակարգումի խորհուրդը  Պէյրութի,  Նապաթիյէի եւ Սայտայի  տարբեր  արուարձաններու մէջ  կազմակերպեց նստացոյցեր:  Պէյրութի մը  կազմակերպուած նստացոյցը  տեղի ունեցաւ  ելեւմտական   նախարարութեան շէնքին առջեւ:  Համակարգումի խորհուրդի նախագահ  Հաննա   Ղարիպ   արտասանեց խօսք մը, որուն  ընթացքին վարչապետ  Նեժիպ Միքաթիէն պահանջեց, որ կառավարութեան   Հինգշաբթի,  21 Մարտին  գումարելիք  նիստին  միակ   օրակարգը   ըլլայ  աշխատավարձերու յաւելման թղթածրարը:  Ան նաեւ զգուշացուց նիստը  յետաձգելու հետեւանքներէն:

Սենտիքայական   պահանջատիրութեան  ծիրին մէջ մնալով,  քաղաքական  դէտեր կը յայտնեն, թէ կառավարութիւնը միայն   նստացոյցերու ալիքը  հանդարտելէ   ետք պիտի  վաւերացնէ աշխատավարձերու   յաւելման  թղթածրարը: Փաստօրէն,   կառավարութիւնը կը  մերժէ  սպառնալիքներու տակ   հաստատել յաւելման     թղթածրարը:  Հետեւաբար, այս զարգացումը  կասկածի տակ պիտի  առնէ   21 Մարտի նիստին  ընթացքին,   թղթածրարը  վաւերացնելու  կառավարութեան խոստումը, որովհետեւ   սենտիքաներու  համադրումի խորհուրդը  վճռած է  շարունակել իր ամենօրեայ նստացոյցերը:

LEAVE A REPLY

Please enter your comment!
Please enter your name here