ՇԷՅԽ ՇԱԱՐ ԿԸ ԶԳՈՒՇԱՑՆԷ ՀԻՒՍԻՍԻ ՄԷՋ ԲՌՆԿՈՒՄԷՆ

0
98

Հիւսիսի եւ  Թրիփոլիի  միւֆթի  շէյխ   Մելիք  Շաար զգուշացուց   ապահովական  մագլցումներուն հետեւանքներէն:   Շաար ըսաւ, թէ   Թրիփոլի եւ ընդհանրապէս հիւսիսային  Լիբանանի մէջ խռովութեան   բռնկումի   փորձեր կը կատարուին:   Շաար՝ կառավարութենէն պահանջեց խստագոյն  ձեւով  պատժել  զինեալ երեւոյթները: Նշենք, թէ Շաար  ժամանակէ մը  ի վեր կը գտնուի Փարիզ:  Ան մաղթեց, որ ապահովական պայմանները  թոյլատու ըլլան  վերադառնալու Լիբանան:

Ապահովական գետնի վրայ  զսպուած լարուածութիւն մը կը տիրէ Թրիփոլիի  Ճեպէլ Մուհսէն եւ Պապ  Թեպէնի շրջաններուն միջեւ:  

 Ներքին ապահովութեան ուժերու ընդհանուր տնօրէն զօրավար Աշրաֆ Ռիֆի  յայտնեց, թէ  իր պաշտօնավարութեան երկարաձգաման հարցը կը կրէ  զուտ  քաղաքական  բնոյթ: Ան ըսաւ, թէ  պիտի  շարունակէ իր ազգային պարտականութիւնը:  Ռիֆի իր վստահութիւնը յայտնեց երկրին ապահովական կայունութիւնը պահպանելու ուղղութեամբ ապահովական կառոյցներու  ցուցաբերած  նախանձախնդրութեան:

LEAVE A REPLY

Please enter your comment!
Please enter your name here