ՍԵՆՏԻՔԱՅԱԿԱՆ ՀԱՄԱԿԱՐԳՈՒՄԻ ԽՈՐՀՈՒՐԴԸ ԿԸ ՍՊԱՌՆԱՅ ՆՈՐ ՔԱՅԼԵՐՈՎ

0
113

Սենտիքայական  համակարգումի խորհուրդը երէկ   նստացոյց մը  կատարեց   Պէյրութի միջազգային  օդակայանի ճանապարհին վրայ: Թէպէտ  օդակայանին ճամբան  մեկնողներու  եւ ժամանողներու առջեւ մնաց բաց, սակայն    երթեւեկութեան  խճողում յառաջացաւ  դէպի օդակայն տանող  մայրուղիին վրայ:  Համակարգումի Խորհուրդի  անդամ Հաննա Ղարիպ դիտել տուաւ, որ    նաւահանգիստին եւ  օդակայանին   ճանապարհներուն առջեւ կազմակերպուած նստացոյցերը յստակ պատգամներ  փոխանցած են կառավարութեան: Ղարիպ զգուշացուց , թէ Հինգշաբթի  21  Մարտը պիտի ըլլայ  սենտիքայական զուտ գարնանային  օր, ուր բոլոր  կրթական բոլոր  հաստատութիւնները պիտի մասնակցին  յայտարարուած  դասադուլին, եթէ  կառավարութիւնը  ետդարձ կատարէ իր խոստումէն  

  Տնտեսսական եւ  ընկերային  պահանջներու  ծիրին մէջ մնալով,  վառելանիւթ բաժնող կայաններու սենտիքայի նախագահ  Նեպիլ Պրաքս  յայտարարեց, թէ  վարչապետ Միքաթի  լաւատեղեակ է  իրենց պահանջներուն, սակայն մինչեւ օրս, ուժանիւթի նախարարը  ժամադրութիւն մը  չէ  ճշդած  ընդունելու՝ սենտիքայի անդամները : Կայաններու  տէրերը  իւրաքանչիւր  թիթեղ պենզինի  վրայ կը պահանջեն   երկու հազար լիբ ոսկի գումար մը, իսկ մազոթի պարագային՝  800:

LEAVE A REPLY

Please enter your comment!
Please enter your name here