ՄԱՐՏ 21-Ը ԲԱՆԱՍՏԵՂԾՈՒԹԵԱՆ ՄԻՋԱԶԳԱՅԻՆ ՕՐՆ Է

0
197

 Արդէն 14 տարի է ԵՈՒՆԵՍՔՕ-ի կողմէ 21 Մարտը կը  նշուի իբրեւ բանաստեղծութեան  միջազգային օր, որուն երեք տարիէ  միացած  է Հայաստանը:

Միջոցառումները սկսած են: Վաղը բանաստեղծական ցերեկոյթ տեղի պիտի  ունենայ  Աւետի Իսահակեանի անուան գրադարանին մէջ, հանդիպում երիտասարդ գրողներու հետ՝ «Նոր գիրք» գրախանութին մէջ, իսկ ՀԳՄ-ին մէջ ուսուցիչները կը հանդիպին գրականագէտ, գրաքննադատ Ազատ Եղիազարեանին: Այս մասին այսօր լրագրողներու հետ հանդիպման ժամանակ տեղեկացուց Հայաստանի Գրողներու Միութեան  նախագահ Լեւոն Անանեանը:

 «Փառատօնին արձագանգած են 30 երկիրներէ, Երևան կը ժամանեն 50-է աւելի անուանի օտար գրողներ: Օրինակ Թուրքիայէն երկու պատուիրակ պէտք է գայ, մէկը թուրք, միւսը՝ քիւրտ: Իսկ, ահա Լիբանանէն պիտի գայ Նոպէլեան մրցանակի յաւակնորդ արաբ բանաստեղծ Ատոնիսը»,-տեղեկացուց Լեւոն Անանեանը՝ աւելցնելով, որ լոյս պիտի  տեսնէ փառատօնի մասնակիցներու ստեղծագործութիւնները ներառող գիրք. «50-ը օտար երկիրներու պատուիրակներու, 50-ը՝ Արցախի և Հայաստանի գրողներու ստեղծագործութիւններ պիտի  ըլլան »,-նշեց  Անանեան:

 yerepouni-news.com-ի հարցումին, թէ հայ ժամանակակից ո՞ր բանաստեղծներու ստեղծագործութիւններն ընդգրկուած են գիրքին մէջ, Գրողներու Միութեան նախագահը ներկայացուց ցուցակ, ուր  առկայ են հետեւեալ անունները. Մետաքսէ, Ռազմիկ Դավոյեան, Արեւշատ Ավագեան, Դավիթ Յովհաննէս, Լեւոն Բլբուլեան, Յակոբ Մովսէս, Հրաչեայ Թամրազեան, Մանասէ, Խաչիկ  Մանուկեան, Վահէ Արսէն, Լիլիթ, Ռոմիկ Սարդարեան…

 Նշենք, որ բացումը տեղի պիտի  ունենայ Ապրիլ 16-ին՝ Կասկատի մէջ: Հիւրերուն պիտի ընդունի Ն.Ս. Օ. Տ .Տ Գարեգին Բ-ը: Անոնք պիտի այցելեն Զուարթնոց, Մատենադարան, համալսարաններ, կրթական տարբեր  հաստատութիւններ, Օշական , Կիւմրի, Ծաղկաձոր:

 Անի Կարապետեան

LEAVE A REPLY

Please enter your comment!
Please enter your name here