ՀՈԾ ՄԱՍՆԱԿՑՈՒԹԻՒՆ ԻՐԱՆԻ ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐՈՒՆ

0
128

Ուրբաթ առաւօտեան ժամը  ութէն սկսեալ, վաթսուն հազար ընտրամասերու  մէջ  պաշտօնապէս  բացուեցան Իրանի 11-րդ  նախագահական  ընտրութիւններուն սնտուկները: Քուէարկութեան մասնակցելու իրաւունք ունեցող իրանցիներուն  թիւը կը հաշուէ  50.5 միլիոն:  Քուէարկելու իրաւունք ունեցան նաեւ   96  տարբեր երկիրներու մէջ բնակող արտերկրի  իրանցիներ:  Ընտրապայքարը  ծաւալեցաւ վեց  թեկնածուներու միջեւ: Անոնցմէ  չորսը կը նկատուին պահպանողական, երկուքը՝  բարեկարգչական:  Միջազգային դիտորդներու մեկնաբանութեամբ յաղթողը պիտի  ըլլայ պահպանողական  ճակատի  թեկնածուներէն մէկը:  Պահպանողական հոսանքին մէջ պայքարը պիտի  ընթանայ նախկին արտաքին գործոց նախարար Ալի Աքպար Ուիլայէթիի եւ  գերագոյն խորհուրդի  քարտուղար Սայիտ Ճալիլիի  միջեւ:  Վեց  թեկնածուներու առկայութիւնը պատճառ դարձաւ, որ    անոնցմէ ոեւէ մէկը  չկարենայ առաջին  հանգրուանին ապահովել  ձայներու անհրաժեշտ   50.5 առ հարիւրը:  Այս պատճառով, ընտրական յանձնախումբը երկրորդ ընտրութիւն մը նախատեսած է  21 Յունիսին: Նշենք թէ  2009-ի ընտրութիւններուն մասնակցութիւնը կազմած  էր  85 առ հարիւր:  Իրանի  հոգեւոր առաջնոր Այաթոլլա  Ալի Խամենէի խիտ շարքերով ընտրութիւններուն մասնակցելու կոչ ուղղեց իրանցիներուն: Իրանցիները  ընդառաջեցին իրենց հոգեւոր առաջնորին կոչին եւ խիտ  շարքերով մասնակցեցան  ընտրութիւններուն:  

 Օրաուն ընթացքին,ներքին գործոց նախարար  Մոստաֆա Մուհամմէտ  Նաճար  մօտէն կը հետեւէր   ընտրատեղամասերէն ներկայացուած  բողոքներուն:  Նախագահութեան  թեկնածուներէն Սայիտ Ճալիլի իր քուէաթղթիկը նետելէ ետք  յայտնեց, թէ անհրաժեշտ է յարգել ընտրութիւններուն արդիւնքը: Ընտրութիւններու խիտմասնակցութիւնը պատճառ դարձաւ,որ  ընտրական յանձնաժողովը քանի մը ժամ  երկարաձգէ քուէարկութեան ժամկէտը:

LEAVE A REPLY

Please enter your comment!
Please enter your name here